حزب اللہ کا اسرائیل پر بڑا حملہ

شیعیت نیوز: حزب اللہ لبنان نے اتوار کے روز اپنے تین بیانات میں شمالی مقبوضہ فلسطین میں صیہونی حکومت کے فوجی اڈوں اور ٹھکانوں کو توپخانے سے نشانہ بنانے کی خبر دی ہے۔

حزب اللہ نے کہا ہے کہ غزہ میں فلسطینی عوام اور مزاحمتی گروہوں کی شجاعت و دلیری کی حمایت میں، ہمارے مجاہدین نے صیہونی حکومت کے المرج فوجی اڈے کو توپخانے سے نشانہ بنایا ہے۔

حزب اللہ لبنان نے کہا کہ انہوں نے ایک اور کارروائی میں برکہ ریشا فوجی اڈے پر میزائل حملہ کیا اور الراھب بیس میں دشمن کی فوج کے ٹھکانوں کو نشانہ بنایا ہے۔

یہ بھی پڑھیں : ایران نے اسرائیل پر حملے کا فیصلہ کر لیا

یہ خبر ایسی حالت میں منظر عام پر آئی ہے کہ صیہونی حکومت کے ٹی وی چودہ نے اتوار کو اعلان کیا ہے کہ حزب اللہ نے اپنے ڈرون حملے میں ایسے مقامات کو نشانہ بنایا ہے جن کے بارے میں اسرائیلی فوج کے انٹیلیجنس ڈیپارٹمنٹ کے حکم پر بات کرنا منع ہے۔ ہفتے کی شام کو حزب اللہ لبنان نے شمالی مقبوضہ فلسطین کے مختلف علاقوں پر بڑے پیمانے پر میزائل اور ڈرون حملے کیے۔ بعض ذرائع ابلاغ نے زور دے کر کہا کہ الجلیل سمیت بعض علاقوں میں زور دار دھماکے ہوئے اور مقبوضہ شہر صفد اور کریات شمونہ علاقے کو بھی نشانہ بنایا گیا۔