ایران
تل ابیب ایئر پورٹ ویران، کئی ممالک کی پروازیں منسوخ
اسماعیل ہنیہ کی شہادت کے بعد ایران کے ردعمل سے صیہونی حلقوں میں خوف و ہراس ہے، اور کئی ممالک، بشمول ہندوستان، نے تل ابیب کے لیے پروازیں منسوخ کر دی ہیں۔

شیعیت نیوز: ہندوستان کی شہری ہوا بازی کی کمپنی ایئر انڈیا نے اعلان کیا ہے کہ مغربی ایشیا میں کشیدگی میں غیر معمولی اضافے کے پیش نظر تل ابیب کے لیے اپنی سبھی پروازیں منسوخ کر دی ہیں۔
ایئر انڈیا نے کہا ہے کہ تل ابیب کے لیے اس کی پروازیں آٹھ اگست تک معطل رہیں گی۔ اس دوران اٹلی اور کئی دیگر یورپی ملکوں نے بھی تل ابیب کے لیے اپنی پروازیں منسوخ کر دی ہیں۔
یہ بھی پڑھیں:ایران اور حزب اللہ کی ممکنہ جوابی کارروائیوں سے صیہونیوں میں خوف و ہراس
اٹلی کی شہری ہوا بازی کی کمپنی نے اپنے بیان میں کہا ہے کہ مغربی ایشیا میں کشیدگی کو دیکھتے ہوئے مسافروں کی جان بچانے کے لیے تل ابیب جانے والی سبھی پروازوں کو معطل کر دیا گیا ہے۔
غاصب صیہونی حکومت نے پہلے ہی ایران اور حزب اللہ کی جوابی کارروائی کے خوف سے الرٹ جاری کر دیا ہے۔