رہبر معظم کی بابصیرت پالیسیوں اور قانون پر عملدرآمد کے لیے پرعزم ہیں، صدر ایران

شیعیت نیوز : ایرانی نومنتخب صدر ڈاکٹر مسعود پزشکیان نے آج رہبر معظم انقلاب اسلامی حضرت آیت اللہ العظمی خامنہ ای کی جانب سے جاری فرمان کے ذریعہ عہدۂ صدارت کی تقرری کی تقریب میں خطاب کیا۔

انہوں نے اپنے خطاب کے دوران کہا: وہ انقلاب اسلامی ایران کے معمار حضرت امام خمینی (رح) اور ایران کے عظیم شہداء بالخصوص سپاہِ وطن لیفٹیننٹ جنرل قاسم سلیمانی کی یاد اور ان کی پاکیزہ روح ، اسی طرح شہدائے حکومت، شہید رجائی اور باہنر، شہید خدمت حجت الاسلام والمسلمین رئیسی کو سلام اور خراج عقیدت پیش کرتے ہیں۔

ہمارا وژن اور ہدف ایک ترقی یافتہ ایران ہے جس کے لئے ہم سب مل کر رہبر معظم کی حکمت عملی کے تحت عمل کریں گے۔

میں "خاکپائے ملتِ ایران” ہوں جنہوں نے اپنے ووٹوں اور انتخاب سے یہ گرانقدر ذمہ داری مجھے سونپی اور مجھ پر اعتماد کیا۔

میں آج سے عملی طور پر عوام کو جوابدہ ہوں۔

یہ بھی پڑھیں : یونیورسٹی طلباء کیخلاف درج ایف آئی آر فوری ختم کی جائے، سید علی رضوی

آج رہبر معظم نے میری صدارت کا توثیق نامہ جاری کرتے ہوئے مجھے ایرانی قوم کے سامنے جوابدہ بنادیا ہے۔

میری مستقبل کی حکومت، اپنے اہداف کو حاصل کرنے کے لیے رہبر معظم کی بابصیرت پالیسیوں اور قانون پر عملدرآمد کے لیے پرعزم ہیں۔

آئین میں ایران کا ایسا نقشہ کھینچا گیا ہے جو اقتصادی، علمی اور ٹیکنالوجی کے شعبے میں خطے اور عالم اسلام میں سرفہرست ممالک میں شمار ہوتا ہے۔ ہمارا وژن ایک ترقی یافتہ ایران ہے۔

ہمیں اپنی خواہشاتِ نفسانیہ پر کنٹرول کرتے ہوئے اور آپس میں مل کر تمام مسائل پر قابو پانا ہے۔

ہمارے ہر اقدام میں ہمیں لوگوں کی منفعت اور ان کے فائدہ کو مدنظر رکھنا ہے۔

لوگوں کی خدمت ہماری زندگی کا نصب العین ہونا چاہیے۔