عید غدیر کے موقع پر رہبر انقلاب اسلامی کا خطاب،الیکشن ميں مشارکت کی تاکید

شیعیت نیوز:عیدغدیر کے موقع پر عوام کی ایک بڑی تعداد نے رہبر انقلاب اسلامی آیت اللہ العظمی سید علی خامنہ ای سے ملاقات کی۔

رہبر انقلاب اسلامی نے اس موقع پر اپنے خطاب میں اٹھائیس جون کے انتخابات کی اہمیت پر زور دیا کہا کہ امید ہے کہ ایرانی عوام اس الیکشن میں بھی سرافراز و سربلند رہیں گے۔

آپ نے انتخابات میں عوام کی حداکثر مشارکت پر زور دیا اور فرمایا کہ انتخابات میں عوام کی بھرپور اور حداکثر مشارکت دشمنوں کے مغلوب ہونے کے اسباب فراہم کرتی ہے۔

آپ نے فرمایا کہ انتخابات میں ٹرن آؤٹ زیادہ ہوگا تو دشمنوں کی زبان بند ہوجائے گی۔

یہ بھی پڑھیں:ایرانی صدارتی انتخابات، ملکی ترقی کے لئے عوام پر اعتماد کرنا ہوگا، سعید جلیلی

آپ نے عوام سے سفارش کی کہ عوام انتخابات ميں بھرپور مشارکت اور صالح ترین امیدوار کو ووٹ دیں۔

آپ نے اسی کے ساتھ بیرونی طاقتوں سے وابستگی کی مخالفت کرتے ہوئے فرمایا کہ اسلامی جمہوریہ ایران نے توفیق الہی سے اب تک ثابت کیا ہے کہ کسی بھی بیرونی طاقت کا سہارا لئے ترقی و پیشرفت حاصل کی جاسکتی ہے۔

رہبر انقلاب اسلامی نے فرمایا کہ ایرانی عوام آئندہ بھی کسی بھی بیرونی طاقت اپنے مسائل ميں مداخلت کی اجازت نہیں دیں گے۔

آپ نے فرمایا کہ اسی کے ساتھ صدارتی امیدواروں کومخاطب کرکے فرمایا کہ اپنے خدا سے عہد کریں کہ الیکشن جیت گئے تو اپنی حکومت میں ان ہی لوگوں کو شامل کریں گے جو دیندار ہوں، اسلامی انقلاب، نظام اسلامی اور اس راستے پر یقین رکھتے ہوں جو امام خمینی رحمت اللہ علیہ نے ہمیں دکھایا ہے۔

رہبر انقلاب اسلامی نے امیدواروں سے فرمایا کہ اگر آپ نے اپنے خدا سے یہ عہد کیا تو آپ کی انتخابی مہم بھی حسنہ میں شمار ہوگی۔