مرکزی غزہ پر صیہونیوں کا حملہ، درجنوں شہید اور زخمی

شیعیت نیوز : فلسطینی ذرائع ابلاغ نے منگل کی صبح غزہ کی پٹی کے مرکز النصیرات کیمپ پر صیہونی حکومت کے بھیانک حملوں کی اطلاع دی۔

النصیرات کیمپ میں ایک مکان پر قابض فوج کے فضائی حملے میں کم از کم 8 فلسطینی شہید اور متعدد زخمی ہوئے ہیں۔

صہیونی افواج نے شہر رفح کے مغرب میں واقع تل السلطان نامی محلے میں متعدد عمارتوں کو دھماکے سے اڑا دیا۔

یہ بھی پڑھیں : امریکہ کا انصار اللہ یمن کو دہشت گرد قرار دینے کا منصوبہ

اس سے قبل غزہ کی وزارت صحت نے ہفتے کے روز کہا تھا کہ قابض فوج نے گزشتہ 24 گھنٹوں کے دوران غزہ کے عوام کے خلاف 2 قتل عام کیے جس کے نتیجے میں 10 شہید اور 73 زخمی ہوئے۔

وزارت صحت نے مزید بتایا کہ 7 اکتوبر سے غزہ جنگ میں شہید ہونے والوں کی تعداد 37,347 اور زخمیوں کی تعداد 85,372 ہو چکی ہے۔