برطانیہ میں اسرائیل نواز بینک پر فلسطین کے حامیوں کا حملہ

شیعیت نیوز : صیہونی حکومت کے لیے جنگی ہتھیار تیار کرنے والی کمپنیوں میں بارکلیز بینک کی سرمایہ کاری کے بعد، فلسطین کے حامیوں نے اس بینک کی تقریباً 20 برانچوں کو اسپرے پینٹ کیا۔

اس حملے میں کھڑکیاں توڑی گئیں اور لندن برانچ سمیت اس بینک کی عمارتوں کو سرخ رنگ کے اسپرے سے پینٹ کیا گیا تاکہ مطالبہ کیا جائے کہ بینک صیہونی حکومت کے اسلحے کی تجارت اور جیواشم ایندھن سے اپنے فنڈز واپس لے۔

اسکاٹ لینڈ کے دارالحکومت میں واقع ایڈنبرا بینک کی برانچ کی کھڑکیوں پر مظاہرین نے پتھر پھینکے جن پر غزہ کی جنگ میں جانیں گنوانے والے فلسطینیوں کے نام لکھے ہوئے تھے ۔

یہ بھی پڑھیں : علامہ سید افتخار حسین نقوی کی سربراہ جامعۃ المصطفیؑ سے ملاقات

’’فلسطین ایکشن‘‘ گروپ نے مزید کہا:جب تک غزہ میں فلسطینیوں کی نسل کشی میں یہ بینک مالی مدد کرتا رہے تب تک ہمارا احتجاج جاری و ساری رہے گا۔

فلسطین یکجہتی مہم نے مئی میں ایک رپورٹ شائع کرتے ہوئے یہ دعوویٰ کیا کہ بارکلیز بینک کی کم از کم ایسی 9 کمپنیوں میں حصہ داری ہے جو صیہونی حکومت کو فروخت کرنے کے لیے ہتھیار اور فوجی ٹیکنالوجی تیار کرنے کے لیے مشہور ہیں۔

انہیں فلسطین پر فوجی حملوں میں استعمال کیا جاتا ہے ، یا اسی رپورٹ کے مطابق بارکلیز نے ان کمپنیوں کو قرضے اور مالیاتی خدمات فراہم کی ہیں۔