ایران کو عالمی سطح پر تنہا کرنے کی کوششیں ناکام ہو گئیں، جنرل سلامی

شیعیت نیوز:میجر جنرل حسین سلامی نے ایک تقریب سے خطاب کرتے ہوئےکہا کہ ایران نے دباؤ اور پابندیوں کے خلاف قوت مدافعت پیدا کر لی ہے اور تہران کو عالمی سطح پر تنہا کرنے کی دشمنوں کی تمام کوششیں ناکام ہو گئی ہیں۔

انہوں نے کہا کہ کیا وہ نہیں چاہتے تھے کہ ہم دنیا میں تنہائی کا شکار ہو جائیں۔ کیا آپ آج ایران کو تنہائی کا شکار ملک کہہ سکتے ہیں؟”

سپاہ پاسداران انقلاب کے کمانڈر نے کہا کہ شہید صدر کی تدفین کے لیے 63 ممالک سے اعلیٰ سطح کے وفود آئے اور اقوام متحدہ میں سب نے کھڑے ہو کر اس شہید کو خراج عقیدت پیش کرنے کے لیے ایک منٹ کی خاموشی اختیار کی۔

یہ بھی پڑھیں:فلسطینی شہداء کی تعداد 36ہزار 439 تک پہنچ گئی

انہوں نے مزید سوالات اٹھاتے ہوئے کہا کہ ایران کا دنیا اور خطے کی سیاسی مساوات پر براہ راست اثر اور کردار ہے۔

کیا ایران کے بغیر کوئی مسئلہ حل ہو سکتا ہے؟ کیا ایران کے بغیر توانائی کی سکیورٹی کی ضمانت دی جا سکتی ہے؟

کیا کوئی خطے میں ایران کے بغیر سیاسی امن کی بات کر سکتا ہے؟” کیا ایران کے بغیر یہ ممکن ہے؟