آیت اللہ ابراہیم رئیسی کی نماز جنازہ رہبر معظم کی اقتدا میں ادا کردی گئی۔لاکھوں افراد کا اجتماع

 شیعیت نیوز:  شہید صدر رئیسی اور ان کے ساتھی شہداء کی نماز جنازہ صبح نو بجے تہران یونیورسٹی میں ادا کردی گی۔

شہداء کی نماز جنازہ کے بعد لاکھوں لوگوں کے جلوس کی شکل میں تہران یونیورسٹی سے آزادی اسکوائر کی طرف تشییع کی جائے گی۔

تہران میں تشییع جنازہ کے بعد شہداء کو تدفین کے لئے مختلف شہروں کی طرف ارسال کیا جائے گا۔

شہید صدر رئیسی کی تشییع جنازہ کے لئے غیر ملکی وفود کی تہران آمد کا سلسلہ جاری ہے۔

اب تک 40 سے زائد غیر ملکی اعلی سطحی وفود تہران پہنچ چکے ہیں جن میں سربراہان مملکت اور وزراء شامل ہیں۔

 ایرانی صدر ابراہیم رئیسی اور ان کے ساتھیوں کی میتیں طیارے کے ذریعے تبریز سے تہران لائی گئیں، ایئرپورٹ پر جاں بحق ایرانی صدر کو گارڈ آف آنر پیش کیا گیا۔

ایرانی صدر کو کل آبائی شہر مشہد میں امام علی رضا کے روضہ کے احاطہ میں سپرد خاک کیا جائے گا۔

صدر ابراہیم رئیسی اور دیگر کی نمازِ جنازہ سپریم لیڈر آیت اللّٰہ خامنہ ای نے پڑھائی۔

نمازجنازہ میں دسیوں ہزار لوگوں نے شرکت کی جن میں متعدد ممالک کے رہنما بھی موجود تھے۔

حماس کے رہنما اسماعیل ہنیہ بھی ابراہیم رئیسی اور دیگر حکام کی نمازہ جنازہ میں شریک ہوئے۔

زشتہ روز 21 مئی کو ابراہیم رئیسی اور دیگر کی آخری رسومات کی ادائیگی کا سلسلہ تبریز سے شروع ہوا تھا۔

ہزاروں سوگوار شہری تبریز کی سڑکوں پر موجود تھے جہاں ایرانی حکام نے صدر رئیسی کے حوالے سے تقاریر کیں اور تمام افراد نے اس موقع پر ان کے لیے دعا بھی کی۔

اس موقع پر ایرانی شہریوں کے ہاتھوں میں صدر رئیسی کی تصاویر تھیں۔

تہران سمیت ایران کے مختلف شہروں میں صدر رئیسی سمیت جاں بحق ہونے والے افراد کے بینرز بھی سڑکوں پر لگائے گئے ہیں۔