اسماعیل ہنیہ کی رہبر انقلاب سے ملاقات، صدر ایران کی شہادت پر تعزیت پیش کی

شیعیت نیوز : حماس کے پولت بیورو کے چیف جناب اسما‏عیل ہنیہ نے اپنے وفد کے ساتھ بدھ کو دوپہر سے قبل رہبر انقلاب اسلامی سے ملاقات کی اور آیت اللہ خامنہ ای اور ایرانی قوم و حکومت کو تعزیت پیش کی۔

اس ملاقات میں رہبر انقلاب اسلامی نے فلسطینی قوم خاص طور پر غزہ کے عوام کی جانب سے ہمدردی کا اظہار کیے جانے پر شکریہ ادا کرتے ہوئے جناب اسماعیل ہنیہ کے تین بیٹوں کی شہادت پر انھیں تعزیت و تہنیت پیش کی اور حماس کے پولت بیورو چیف کے صبر کو سراہا۔

انھوں نے غزہ کے عوام کی غیر معمولی مزاحمت کی طرف اشارہ کرتے ہوئے جو پوری دنیا کے لیے تعجب کا سبب بن گئي ہے، کہا کہ کون یقین کر سکتا تھا کہ کسی دن امریکی یونیورسٹیوں میں فلسطین کے حق میں نعرے لگائے جائيں گے۔

آيت اللہ العظمیٰ خامنہ ای نے زور دے کر کہا کہ ممکن ہے کہ مستقبل میں مسئلۂ فلسطین کے سلسلے میں ایسے واقعات رونما ہوں جو آج قابل یقین نہیں ہیں۔

یہ بھی پڑھیں : شہید صدر رئیسی کے ہیلی کاپٹر کو حادثہ، کب کیا ہوا؟اہم انکشافات

وہ امریکا، نیٹو، برطانیہ اور بعض دیگر ملکوں کے بڑے گروہ پر غزہ کے عوام کا غلبہ ہے جو ایک چھوٹا سا گروہ ہے۔

اسی بنیاد پر دوسرا وعدہ یعنی صیہونی حکومت کا خاتمہ بھی عملی جامہ پہنے گا اور خداوند عالم کے لطف و کرم سے وہ دن بھی آئے گا جب فلسطین بحر سے نہر تک تشکیل پائے گا۔

رہبر انقلاب اسلامی نے زور دے کر کہا کہ آئين کی رو سے جناب مخبر صاحب پر ملک کے انتظامی امور سنبھالنے کی ذمہ داری ہے اور فلسطین کے بارے میں مرحوم صدر کے موقف اور پالیسیاں اسی جذبے کے ساتھ جاری رہیں گی۔