جب تک کامیابی نہیں ملتی ہم دشمنوں سے لڑتے رہیں گے، جنرل سیکرٹری جہاد فلسطین

شیعیت نیوز : جہاد اسلامی فلسطین کے جنرل سیکرٹری زیاد النخالہ نے اتوار کے روز شام میں فلسطینی فلسطینی گروہوں کے سربراہان کے ساتھ ملاقات میں فلسطینی مزاحمت کی فتح تک جنگ جاری رکھنے کے عزم پر تاکید کی۔

کہا کہ اگر ہم دشمن کے خلاف ڈٹ کر نہیں لڑیں گے تو ہمیشہ غاصب صہیونی ہم پر مسلط رہیں گے۔

غزہ کی موجودہ جنگ فلسطینی عوام اور ان کی مزاحمت دونوں کے لیے ایک بڑا چیلنج ہے۔

غزہ ہم سب اور ہمارے لوگوں کے لیے ایک امتحان ہے جو غاصبوں کے ظلم اور مجبوراً نقل مکانی کا شکار ہیں۔

غزہ میں ہمارے لوگ اس عالیشان طریقے سے لڑ رہے ہیں جس طرح وہ پہلے کبھی نہیں لڑے تھے۔

یہ بھی پڑھیں : عربوں نے اس اقتدار کو کھو دیا جو اسلام نے انہیں عنایت کیا تھا، سینئر رکن حزب اللہ

دشمن کو بھی اس بار ایسی مزاحمت کا سامنا ہے جس کا اس سے پہلے کبھی اس نے سامنا نہیں کیا تھا۔

جہاد اسلامی فلسطین کے جنرل سیکرٹری نے کہا کہ دشمن کے سامنے ڈٹ کے کھڑے ہونا ہی غاصب صہیونیوں سے نجات کا واحد راستہ ہے۔

جب تک کامیابی نہیں مل جاتی ہم دشمنوں سے لڑتے رہیں گے۔

انہوں نے اپنے خطاب کے آخر میں کہا: اگر چہ اس مقاومت کی راہ میں ہمارے لوگوں نے بہت قربانیوں دی ہین لیکن اس کے باوجود مزاحمت کا راستہ ہی بہترین راستہ ہے۔