دشمن کا ہدف یہ ہے کہ نوجوانوں کو علماء سے دور کر دیا جائے، نمائندہ رہبر معظم
حجۃ الاسلام والمسلمین حسینی نے کہا : مدراس کا دورہ کرنے اور نوجوانوں کے ساتھ بات چیت کرنے سے نوجوانوں کے بہت سے شکوک و شبہات دور ہو جائیں گے، دشمن کا ہدف یہ ہے کہ نوجوانوں کو علماء سے دور کر دیا جائے۔۔
شیعیت نیوز : صوبہ کهگیلویه و بویراحمد میں رہبر معظم کے نمائندے حجۃ الاسلام والمسلمین سید نصیر حسینی نے طلاب کرام سے خطاب کیا۔
خطاب میں کہا کہ علمائے کرام کا مشن ایک عظیم مشن ہے، اور اس مشن کا تعلق انبیاء علیہم السلام اور اولیائے الہی سے ہے، اور آج حوزات علمیہ اور علمائے کرام کی ذمہ داری ہے کہ وہ معارف الہی کی تبلیغ کریں۔
مبلغ دین ہونا ایک بلند مقام و مرتبہ رکھتا ہے اور یہ خدا کی خاص عنایت اور رحم و کرم ہے جو خاص لوگوں پر ہوا ہے تا کہ وہ تبلیغ دین کی راہ پر گامزن رہ سکیں، احکام الٰہی کو بیان کر سکیں، لوگوں کی رہنمائی کر سکیں۔
خدا نے پہلے مرحلے میں اس تبلیغ کی ذمہ داری کو اپنی ذمہ داری قرار دیا اور پھر اسے پیغمبر خدا (ص) اور ائمہ طاہرین علیہم السلام کے کندھوں پر یہ ذمہ داری رکھی اور اب یہ ذمہ داری علماء کے کندھوں پر ہے۔
آپ کو اپنے اصل مشن اور ہدف کو نہیں بھولنا چاہیے، جس مجلس و محفل میں آپ شرکت ہوں اور خطاب کریں۔
یہ بھی پڑھیں : غزہ کے بچوں کا کولمبیا یونیورسٹی کے امریکی طلباء کے لیے پیغام
وہاں احکام، الہی تعلیمات، نصیحت اور اخلاقی باتیں بیان کرنا نہ بھولیں۔
حجۃ الاسلام والمسلمین حسینی نے کہا:مدراس کا دورہ کرنے اور نوجوانوں کے ساتھ بات چیت کرنے سے نوجوانوں کے بہت سے شکوک و شبہات دور ہو جائیں گے۔
دشمن کا ہدف یہ ہے کہ نوجوانوں کو علماء سے دور کر دیا جائے۔
لہٰذا ہمیں دشمن کے اس ہدف کو ناکام بنانے کے لیے موجودہ مسائل سے آشنا ہونے اور نوجوانوں سے بات کرنے اور ان سے رابطہ برقرار کرنے کی ضرورت ہے۔
