فلسطینی پاکستان کو اپنی امیدوں کا محور سمجھتے ہیں، سینیٹر علامہ راجہ ناصر عباس

شیعیت نیوز : بین الاقوامی ادارہ ’’الباقر‘‘ کی طرف سے اسلام آباد کے مقامی ہوٹل میں ’’قدس افطار ڈنر‘‘ کا اہتمام کیا گیا۔

جس میں مجلس وحدت مسلمین پاکستان کے سربراہ سینیٹر علامہ راجہ ناصر عباس جعفری نے بطور مہمان خصوصی شرکت اور خطاب کیا۔

قدس افطار ڈنر کے شرکاء سے خطاب کرتے ہوئے علامہ راجہ ناصر عباس جعفری نے کہا کہ فلسطینی مزاحمت کار امت مسلمہ کی ناموس اور غیرت کی جنگ لڑ رہے ہیں۔

غاصب صیہونی فلسطینی مزاحمت کاروں کے مقابلے میں ہار چکے ہیں۔

یہ بھی پڑھیں : حزب اللہ کا دو صہیونی فوجی اڈوں پر میزائل حملہ

سینیٹر علامہ راجہ ناصر عباس نے غزہ پر جاری صیہونی بربریت کو معاصر کا بدترین انسانی المیہ قرار دیتے ہوئے مزید کہا کہ فلسطینی مزاحمت کاروں کی ایک بڑی امید پاکستان سے ہے۔

وہ پاکستان کو ایک غیرت مند اور باحمیت قوم کے طور پر دیکھتے اور ایک ایٹمی ملک اور طاقتور دفاعی ادارے ہونے کے ناطے پاکستان کو اپنی امیدوں کا محور سمجھتے ہیں۔

لیکن پاکستان پر مسلط حکمران فلسطینی بھائیوں کی امیدوں پر پورا نہیں اترے بلکہ مسئلہ فلسطین میں مجرمانہ غفلت کے مرتکب ہورہے ہیں۔

تقریب کے اختتام پر فلسطینی بھائیوں کے لیے بطور خاص اور دنیا بھر کے مظلوموں اور محکوموں کے لیے دعا کی گئی۔