وائٹ ہاؤس کے سامنے بڑا احتجاجی مظاہرہ
شیعیت نیوز: شہر رفح پر صیہونی حکومت کے وحشیانہ حملوں کے نتیجے میں دسیوں افراد کے شہید اور زخمی ہونے کے بعد فلسطین کے حامی مظاہرین نے جس میں چند غیر سرکاری اداروں کے افراد اور طلبا بھی موجود تھے وائٹ ہاؤس کے سامنے اجتماع کیا اور صیہونی حکومت کی حمایت جاری رہنے کے سبب امریکی صدر جوبائیڈن کے خلاف نعرے لگائے۔
مظاہرین، ایسے پلے کارڈ اٹھا کر کہ جن پر رفح سے ہاتھ کھینچ لو، رفح کونجات دو، امریکہ اسرائیل کے لئے اپنی حمایتیں ختم کرے جیسے نعرے درج تھے، اپنے غم و غصے کا اظہار کر رہے تھے۔
غزہ کے خلاف صیہونی حکومت کے وحشیانہ حملوں میں کہ جو سات اکتوبر دو ہزار تیئیس سے شروع ہوئے اور ابھی بھی جاری ہيں، اٹھائیس ہزار سے زيادہ فلسطینی شہید اور اڑسٹھ ہزار سے زيادہ زخمی ہوئے ہیں۔
یہ بھی پڑھیں:غزہ میں جنگ بندی سے متعلق قاہرہ مذاکرات ختم
صیہونی حکومت کے جاری حملوں میں پچاسی فیصد کے قریب غزہ کی آبادی بے گھر ہوگئی اور اس وقت وہ پانی اور دوا کی قلت اور قحط سے دوچار ہے۔
کہا جا رہا ہے کہ اس علاقے کی ساٹھ فیصد سے زيادہ بنیادی تنصیبات محاصرے میں ہیں یا ان کو جزوی نقصان پہنچا ہے یا وہ مکمل طور پرتباہ ہوگئی ہیں۔
بائیڈن کے سینئر مشیروں نے امریکی ریاست مشی گن میں امریکی صدر کی عرب کمیونٹی سے ملاقات کے دوران ، ہونے والی غلطیوں کا اعتراف کرنے کے بعد اس کمیونٹی سے خصوصی طور پر معافی مانگی ہے۔
