ایم ڈیبلیو ایم کے امیدوار کی حمایت کا پیغام جیل سے عمران خان نے دیا،رہنماپی ٹی آئی کی پریس کانفرنس
شیعیت نیوز:پاکستان تحریک انصاف کے امیدوار سابق آئی جی خیبرپختونخواسید ارشاد حسین نے مجلس وحدت مسلمین کے رہنماؤں اور عمائدین پارا چنار کے ہمراہ اہم پریس کانفرنس کرتے ہوئے کہا کہ ایم ڈبلیو ایم اور پاکستان تحریک انصاف کے مشترکہ امید وار سید نجات حسین او انجینئر حمید حسین کے حق میں دستبرداری کا اعلان کرتا ہوں
انہوں نے مزیدکہا کہ عمران خان نے مجھے جیل سے پیغام بھیجا ہے کہ پاراچنار کے امیدواروں کا بھرپور ساتھ دینا ہے میں ان کے ساتھ بھر پور سپورٹ کا اعلان کرتا ہوں۔
پاکستان تحریک انصاف کے رہنما سید ارشاد حسین کی جنرل الیکشن 2024ء کے حوالے سے مجلس وحدت مسلمین پاکستان کے رہنماؤں اور عمائدین پارہ چنار کے ہمراہ اہم کانر مٹینگ کرتے ہوئے قومی اسمبلی کے حلقہ این اے 37 ضلع کرم سے انجینئر حمید حسین اور پی کے96 سے سید نجات حسین کی حمایت کا باقاعدہ اعلان کرتے ہوئے کہا
مجھے عمران خان نے جیل سے میسج بھیجا ہے کہ پارہ چنار کے مجلس وحدت مسلمین پاکستان کے جو 2 امیدوار ہیں وہ ہمارے متفقہ طور پر امیدوار ہیں۔
لہذا آپ نے ان دونوں امیدواروں کا ساتھ دینا ہے، میں ان کی بھر پور اسپورٹ اور تعاون کا اعلان کرتا ہوں
اور اپنے ضلع کرم کی باشعور عوام سے پاکستان تحریک انصاف اور مجلس وحدت مسلمین پاکستان کے مشترکہ حمایت یافتہ نڈر و بے باک انجینئر حمید حسین کو کامیاب بنانے کی اپیل کی ہے۔
انہوں نے اپنے تمام خیرخواہوں اور سپورٹرز کو تاکید کی ہے ۔
یہ بھی پڑھیں: مجلس و حدت مسلمین و آئی ایس او کاکمیشنر کراچی کی جانب سے محرم الحرام کے حوالے سے منعقدہ کانفرنس کا بائیکاٹ
ملکر ملک وملت کے مفاد کے لیے بھرپور کردار ادا کرتے ہوئے عوام کے حقوق اور جان ومال کی حفاظت کرنے والے حقیقی نمائندہ انجینئر حمید حسین کو قومی اسمبلی اور سید نجات حسین کو صوبائی اسمبلی میں پہنچائیں۔
اس موقع پر ایئر مارشل (ر) سید قیصر عباس، سید محمد شیرازی، علامہ اقبال حسین بہشتی، ملک اقرار حسین علوی، شبیر حسین ساجدی، پروفیسرشبیر حسین سمیت دیگر رہنماؤں نے بھی خطاب کرتے ہوئے اپیل کی ہے کہ سید نجات حسین اور حمید حسین کی بھرپور سپورٹ کریں
آخر میں مرکزی رہنما ملک اقرار حسین علوی اور علامہ محمد اقبال بہشتی نے آئی جی سید ارشاد حسین کا شکریہ ادا کیا۔
سیاسی ماہرین کاکہنا ہے کہ پی ٹی آئی اور ایم ڈبلیوایم کے اتحاد سے پاراچنار میں انجینئر حمید حسین کی پوزیشن بھرپور مستحکم ہوچکی ہے۔
اب 8 فروری کو سیاسی دنگل میں اصل مقابلہ انجینئر حمید حسین اور پاکستان پیپلز پارٹی کے امیدوار ساجد حسین طوری کے درمیان متوقع ہے ۔
