پاکستان کی ایران سے درآمدات میں 16 فیصد اضافہ

شیعیت نیوز :رواں مالی سال کی پہلی ششماہی میں پاکستان کی ایران سے درآمدات 16 فیصد بڑھ گئیں۔

ذرائع کے مطابق دسمبر 2023ء میں سالانہ بنیاد پر ایران سے درآمدات میں 13 فیصد اضافہ ہوا۔

جولائی تا دسمبر 2023ء ایران سے درآمدات 48 کروڑ 72 لاکھ ڈالرز رہیں، جبکہ دسمبر 2022ء میں ایران سے درآمدات 7 کروڑ 86 لاکھ ڈالرز تھیں۔

یہ بھی پڑھیں :ایران کا شام میں کیے گئے اسرائیلی حملوں کا بھر پور جواب دینے کا اعلان

گزشتہ سال اسی عرصے میں ایران سے درآمدات 42 کروڑ 17 لاکھ ڈالرز تھیں۔

گزشتہ ماہ ایران سے درآمدات کا حجم 8 کروڑ 92 لاکھ ڈالرز رہا۔

پاکستان اور ایران نے حال ہی میں تجارتی تعاون بڑھانے کا 5 سالہ پلان تشکیل دیا ہے۔

دونوں ممالک نے 2028ء تک دو طرفہ تجارت 5 ارب ڈالرز تک بڑھانے پر اتفاق کیا ہے۔