امریکی حملہ سے یمن کو فلسطین کی حمایت کی سزا دی گئی ،علامہ راجہ ناصر عباس جعفری

شیعیت نیوز :مجلس وحدت مسلمین کے سربراہ علامہ راجہ ناصر عباس جعفری نے اپنے ایک بیان میں کہا ہے کہ یمن پر امریکہ و برطانیہ کا حملہ جنگی قوانین اور انسانی حقوق کی بدترین پامالی ہے۔

یمن کو فلسطینی مسلمانوں کی حمایت کی سزا دی گئی ہے۔

غزہ پر اسرائیل حملے کے خلاف فلسطین کا عملاً ساتھ دینے والا یہ واحد اسلامی ملک ہے

۔56ممالک کا سات سال تک پوری استقامت اور جواں مردی سے مقابلہ کرنے والے ملک کو دبا لینے کا خواب دیکھنے والے احمق و نادان ہیں۔

عالمی استعماری قوتوں نے مسلم ممالک کو تختہ مشق بنا رکھا ہے۔

یہ بھی پڑھیں: پاکستان کے عوام یمن میں امریکی جارحیت کے خلاف احتجاج ریکارڈ کروائیں ،علامہ احمد اقبال رضوی

جو مسلم حکمران یمن پر حملے کے خلاف سکوت طاری کیے ہوئے ہیں انہیں یہ بات ذہن نشیں رکھنا ہو گی کہ امریکہ کسی کا یار نہیں۔

اس کی دوستی صرف اپنے مفادات سے وابستہ ہے۔

امت مسلمہ کے خلاف امریکہ و برطانیہ کے وحشیانہ اقدامات کسی سے ڈھکے چھپے نہیں۔

مسلمانوں کے ازلی دشمن اسرائیل کی حمایت میں یمن کو نشانہ بنایا گیا ہے۔

اسلام دشمن قوتیں مسلمانوں پر بزدلانہ وار کر رہی ہیں۔