حزب اللہ اور صیہونیوں کے درمیان بڑی جنگ شروع ہو گی، اسرائیلی اخبار کا دعوی

شیعیت نیوز : صیہونی اخبار یدیعوت احارنوت نے لکھا ہے کہ صیہونی حکومت کی فوجی کمان نے سیاسی حکام کو بتا دیا ہے کہ سن دوہزار چوبیس جنگ کا سال ہوگا۔

صیہونی فوج کے چیف آف ارمی اسٹاف ہرتزی ہالیوی نے دعوی کیا ہے کہ بقول اس کے دہشتگرد گروہ کو ختم کرنے کے لئے اس کے پاس کوئی جادو کی چھڑی نہيں ہے، جنگ سخت اور فیصلہ کن ہے اور ہم حماس کے رہنماؤں کو پکڑ لیں گے چاہے ایک ہفتہ لگے یا کئی مہینے لگ جائيں ۔

یہ بھی پڑھیں :افغانستان، لیبیا اور عراق کی طرح امریکا غزہ میں بھی ناکام ہوگا، روس

صیہونی اخبار کی رپورٹ کے مطابق جنگ جاری رہنے کی بنا پر اسرائیل کے اندر تنقیدیں شروع ہوگئی ہيں ۔

جو فوجی افسران غزہ کی زمینی جنگ میں فلسطینی عوام کے خلاف جارحیت میں شامل ہيں وہ شمالی غزہ کے محاذ کے ساتھ ہی خان یونس میں محاذ کھولنے کو غلطی خیال کرتے ہيں ۔

ان کا کہنا ہے کہ اگر خان یونس میں جنگی محاذ کھولا گیا تو فلسطینی مجاہدین کی شدید مزاحمت کا سامنا کرنا پڑے گا اور اس کے لئے کافی زيادہ فوجیوں اور جنگی ساز و سامان کی ضرورت پڑے گی ۔