انتخابات کیلئے پنجاب پولیس کے پاس مطلوبہ نفری موجود نہ ہونے کا انکشاف

شیعیت نیوز: عام انتخابات کے انعقاد کے لئے پنجاب پولیس کے پاس مطلوبہ نفری موجود نہ ہونے کا انکشاف ہوا ہے۔

تفصیلات کے مطابق پنجاب میں عام انتخابات کے لئے ڈھائی لاکھ پولیس اہلکاروں کی ضرورت ہے، پنجاب حکومت کے پاس صرف سوا لاکھ پولیس اہلکار موجود ہیں۔

محکمہ داخلہ پنجاب عام انتخابات کے لئے مزید سوا لاکھ اہلکار دیگر قانون نافذ کرنے والے اداروں سے حاصل کرے گا۔

پولنگ سٹیشنز کو حساسیت کے اعتبار سے تین حصوں میں تقسیم کیا جائے گا۔

 

یہ بھی پڑھیں :بلوچ مظاہرین پر تشدد، صحافی محمد حنیف کا بطور احتجاج ستارہ امتیاز واپس کرنے کا اعلان

پولنگ سٹیشنز کی اے، بی اور سی کیٹیگری بنائی جائے گی۔

پولنگ سٹیشنز کی کیٹگری کے مطابق پولیس تعینات ہو گی۔

ہوم سیکرٹری شکیل احمد کا کہنا ہے پولیس کی کمی دور کرنے کے لئے  قانون نافذ کرنے والے دیگر اداروں سے اہلکار  لیں گے۔

انہوں نے کہا کہ یہ کمی پوری کرنے کیلئے پاک فوج اور رینجرز سے نفری منگوائی جائے گی اور انہیں حساس ترین پولنگ سٹیشنز پر تعینات کیا جائے گا۔