علامہ ہاشم موسوی کی آرمی چیف سے ملاقات شیعہ ہزارہ کو افغانستان نہ بھیجنے کی استدعا

شیعیت نیوز: امام جمعہ کوئٹہ علامہ سید ہاشم موسوی نے آرمی چیف جنرل سید عاصم منیر سے ملاقات کی۔

ملاقات کے دوران انہیں ہزارہ قوم اور کوئٹہ میں مقیم اہل تشیع کی حب الوطنی کے باوجود انہیں نظرانداز کرنے پر اپنے تحفظات سے آگاہ کیا۔

علامہ ہاشم موسوی کا کہنا تھا کہ شیعہ ہزاراہ کو پاکستان سے افغانستان بھیجنا قتل گاہ بھیجنے کے مترادف ہوگا۔

تفصیلات کے مطابق  سماجی رابطہ کی ویب سائٹ فیس بک پر اپنے ایک پیغام میں امام جمعہ کوئٹہ نے کہا کہ سترہ نومبر کو اسلام آباد میں چیف آف آرمی اسٹاف جنرل سید عاصم منیر کے ساتھ ملاقات ہوئی۔ جس میں تمام مذاہب کے جید علماء شامل تھے۔

کوئٹہ سے امام جمعہ علامہ سید ہاشم موسوی اور شیعہ کانفرنس کے صدر حاجی جواد رفیعی صاحب مومنین کی نمائندگی کر رہے تھے۔ علامہ سید ہاشم موسوی نے کہا کہ ملاقات سے قبل ان کی تجویز اور باہمی مشورے سے ایک یاد داشت تیار کی گئی،

جس میں کوئٹہ کے مومنین اور خاص طور پر ہزارہ قوم کی پاکستان کیلئے خدمات کو سراہا گیا۔ گذشتہ بیس سالوں میں ہزاروں افراد کی شہادت کے باوجود اس قوم کے جذبہ حب الوطنی کا ذکر کیا گیا۔
یہ بھی پڑھیں:https://shiite.news/ur/?p=654927
حکومت کی جانب سے حالیہ اور گذشتہ عبوری حکومتوں میں مومنین کوئٹہ اور ہزارہ قوم کو نظرانداز کرنے کی شکایت بھی کی گئی اور بعض مہاجرین کی جان کو افغانستان خطرہ درپیش ہونے کے باعث پاکستان سے نہ نکالنے کا مطالبہ بھی کیا گیا۔

 فیس بک پر جاری پیغام میں کہا گیا کہ آرمی چیف سے ملاقات میں وقفے کے دوران علامہ سید ہاشم موسوی اور حاجی جواد رفیعی نے آرمی چیف، وزیر مذہبی امور اور ڈی جی آئی ایس آئی جنرل ندیم انجم کو علیحدہ علیحدہ ہزارہ قوم کے خدمات اور حب الوطنی سے آگاہ کیا

اور پاکستانی ہزارہ کا ذکر پاکستان میں بطور اسٹیک ہولڈر کرتے ہوئے اور پاکستانی ہیرو مرحوم جنرل محمد موسیٰ ہزارہ کے خدمات کا اشارہ دیتے ہوئے بعض مہاجرین جنکی جان خطرے میں ہے، ان کو پاکستان سے افغانستان بھیجنے کو انکو قتل گاہ بھیجنے کے مترادف قرار دیا

اور مطالبہ کیا کہ ان کو افغانستان نہ بھیجا جائے۔ مذکورہ یاد داشت آرمی چیف کو بھی پیش کی گئی۔