دوسروں کو اسلامی عقائد سے روشناس کرنے سے پہلے مبلغین کواپنا عقیدہ مضبوط بنیادوں پر استوار کرنا چاہیے،علامہ شہنشاہ نقوی

شیعیت نیوز: شعبہ مبلغین کے زیراہتمام “اہل منبر، چیلنجز اور ذمہ داریاں” کے موضوع پر حسینیہ بلتستانیہ قم المقدس میں ہونے والے سیمینار سے پاکستان کے معروف عالم دین علامہ شہنشاہ حسین نقوی نے خطاب کیا۔ جامعہ روحانیت بلتستان کے شعبہ مبلغین کے تحت حسنیہ بلتستانیہ میں “اہل منبر، چیلنجز اور ذمہ داریاں” کے عنوان سے سیمنار منعقد ہوا۔

سیمینارمیں حوزہ علمیہ قم کے علماء اور طلباء کی کثیر تعداد نے شرکت کی۔ سیمینار سے خطاب کرتے ہوئے نامور عالم دین علامہ شہنشاہ حسین نقوی نے تبلیغ کی اہمیت، مواقع اور مبلغین کی ذمہ داریوں پر روشنی ڈالی۔

یہ بھی پڑھیں:غزہ کے معاملے پر مسلم حکمرانوں کا رویہ افسوسناک ہے، معصوم بچوں کی شہادت پر بھی ان کے دل نرم نہیں ہوئے،حمایت طوفان الاقصیٰ کانفرنس

انہوں نے کہا کہ مبلغین کو عقائد کے حوالے سے زیادہ کام کرنے کی ضرورت ہے۔ دوسروں کو اسلامی عقائد سے روشناس کرنے سے پہلے اپنا عقیدہ مضبوط بنیادوں پر استوار کرنا چاہیئے۔ سیمینار کے دوران شرکاء نے تبلیغی امور کے بارے میں مختلف سوالات کئے اور علامہ شہنشاہ نقوی نے جواب دیئے۔