مرکزی رہنما شیعہ علماءکونسل پاکستان علامہ رمضان توقیر کی ایرانی قونصل جنرل سے ملاقات

شیعیت نیوز:ایران قونصلیٹ پشاور میں شیعہ علماء کونسل پاکستان کے مرکزی نائب صدر علامہ محمد رمضان توقیر نے قونصل جنرل اسلامی جمہوریہ ایران حسین مالکی سے ملاقات کی، اس موقع پر ترجمان ایران قونصلیٹ پشاور علی بنفش خوا بھی موجود تھے۔ ملاقات میں پاک ایران تعلقات میں بہتری، فلسطین کے حالات اور بلخصوص زائرین کے مسائل اور زیاراتی ویزہ کے حصول میں آسانی پر سیر حاصل گفتگو ہوئی۔ علامہ محمد رمضان توقیر نے گفتگو کرتے ہوئے پاک ایران دوستانہ اور سفارتی تعلقات کو سراہتے ہوئے کہا کہ ایران پاکستان کا ہمسایہ اور مخلص دوست ہے اور سفارتی تعلقات بھی قابل تحسین ہیں۔ پاکستانی عوام نے مسئلہ فلسطین پر ایران کے موقف کی بھرپور تائید کی کہ واحد اسلامی ملک ایران ہے جس نے مظلوم فلسطینیوں اور حماس تنظیم کی کھل حمایت کی اور ہر قسم کا تعاون کیا۔

انہوں نے کہا کہ پاکستانی عوام نے ایرانی عوام اور حکومت کو خراج تحسین پیش کیا۔ملک بھر میں احتجاجی مظاہرے، ریلی اور اجتماعات منعقد کر کے اسرائیل کی جارحیت اور ظلم کی بھرپور مذمت کی۔ علامہ محمد رمضان توقیر نے زائرین کے مسائل و مشکلات سے جنرل قونصلر دیگر مسئولین ایران قونصلیٹ پشاور کو آگاہ کرتے ہوئے کہ خیبر پختونخوا کے زائرین کو ویزہ کے حصول میں کافی دشواری کا سامنا ہوتا ہے اور بالخصوص خیبر پختونخوا کے ساتھ پنجاب کے سرحدی اضلاع میں خیبر پختونخوا اور ڈیرہ اسماعیل خان کے زائرین کے کارواں مشترکہ ہوتے ہیں، لہذا پنجاب کے سرحدی اضلاع کو خیبر پختونخوا کے زائرین کے کاروان کے ساتھ ویزہ میں آسانی اور رعایت دی جائے۔

یہ بھی پڑھیں: غزہ کے معاملے پر مسلم حکمرانوں کا رویہ افسوسناک ہے، معصوم بچوں کی شہادت پر بھی ان کے دل نرم نہیں ہوئے،حمایت طوفان الاقصیٰ کانفرنس

قونصلر جنرل اسلامی جمہوریہ ایران حسین مالکی نے پاک ایران تعلقات میں مزید بہتری کی خواہش کے ساتھ مسئلہ فلسطین پر پاکستانی عوام کے جذبات اور احساسات کو سراہتے ہوئے کہا کہ پاکستان عوام نے بھی کھل اسرائیل کی جارحیت اور انسانیت سوزی کی مذمت کے ساتھ ساتھ مظلوم فلسطینیوں سے اظہار یکجہتی کیا۔ حسین مالکی نے زائرین کے مسائل و مشکلات اور ویزہ کے حصول میں کچھ سالار کاروان کے لئے اپنے تحفظات کا اظہار کیا۔ تاہم انہوں نے کہا کہ ان شاء اللہ زائرین امام حسینؑ و مولا رضا علیہ السلام کے ویزہ حصول میں بھر پور تعاون کی کوشش کریں گے۔