ایرانی عوام کا فلسطینیوں کی فتح کا جشن ، ملک بھر میں جوش و خروش
شیعیت نیوز: ایران کے مختلف علاقوں کے عوام نے سنیچر کی رات مرکزی شاہراہوں اور چوکوں میں پرجوش شرکت کے ساتھ غاصب صیہونی حکومت کے خلاف مزاحمتی محاذ کی قابل فخر فتح کا جشن منایا۔
رپورٹ کے مطابق، اس موقع پر لبنانی طالب علم نے بات کرتے ہوئے کہا کہ ہم بہت جلد القدس میں نماز پڑھیں گے۔
تہران میں عوام کی بڑی تعداد نے فلسطین اسکوائر پر جمع ہوکر آج مقاومتی تنظیموں کی جانب سے صہیونی فورسز کے خلاف ہونے والی کاروائی کی حمایت اور تاریخی کامیابی پر خوشی کا اظہار کیا۔
ایران کے مختلف علاقوں اور شہروں کے لوگوں نے ہفتے کی رات ملک کی مرکزی شاہراہوں اور چوکوں میں اپنی پرجوش شرکت کے ذریعے طفل کش صیہونی حکومت کے خلاف مزاحمتی محاذ اور فلسطینی مجاہدین کی فتح کا جشن منایا۔
یہ بھی پڑھیں : طوفان الاقصیٰ آپریشن مزاحمتی گروہوں اور مظلوم فلسطینی عوام کا جائز حق ہے، ناصر کنعانی
ایرانی عوام نے گاڑیوں اور موٹرسائیکل ریلی نکال کر فلسطینی عوام اور بیت المقدس کی امنگوں کی حمایت میں الاقصی طوفان آپریشن کی کامیابی پر خوشی کا اظہار کیا۔
ایرانی مرد، خواتین، بوڑھے اور جوانوں نے اپنے دل کی گہرائیوں سے پرجوش انداز میں جھومتے ہوئے ’’مردہ باد اسرائیل‘‘ کا نعرہ لگایا اور فلسطین اور ایران کے رنگین جھنڈوں کے ساتھ فلسطینیوں کی حمایت اور خوشی کا نعرہ لگایا۔
اقصی طوفان کی کامیابی کی خوشی میں ایرانی عوام نے آتش بازی اور لائٹنگ جیسے پر مسرت پروگراموں کا انعقاد کیا اور فلسطین اور ایران کے جھنڈے لہراتے ہوئے اسرائیل اور اس کے حامیوں کے خلاف نعرے بازی کی۔
فلسطینی عوام کی فتح کی حمایت میں ہفتے کی شام مشہد کے فلسطین اسکوائر پر ’’مظلوموں کی طاقت‘‘ کے عنوان سے ایک خوشگوار عوامی تقریب کا انعقاد کیا گیا۔
