قابض صیہونی دشمن کے خلاف ’طوفان اقصیٰ‘ معرکےکا آغاز ہوچکا، محمد الضیف

شیعیت نیوز: آج ہفتے کے روز اسلامی مزاحمتی تحریک حماس کے عسکری ونگ شہید عزالدین القسام بریگیڈز کے کمانڈر محمد الضیف نے فلسطینیوں کے خلاف قابض صیہونی ریاست کے جرائم اور اس کے بار بار جرائم کے جواب میں آپریشن ’’الا قصیٰ فلڈ‘‘ شروع کرنے کا اعلان کیا ہے۔

الضیف نے الاقصیٰ چینل کے ذریعے نشر کی گئی ایک ریکارڈ شدہ تقریر میں کہا کہ ہم آپریشن الاقصیٰ فلڈ کے آغاز کا اعلان کرتے ہیں اور اعلان کرتے ہیں کہ دشمن کے ٹھکانوں اور قلعوں کو نشانہ بنانے والے پہلے حملے میں 5000 راکٹ اور گولے داغے گئے ہیں۔

انہوں نے مزید کہا کہ دشمن نے مسجد اقصیٰ کی بے حرمتی کی، پیغمبر اسلام صلی اللہ علیہ وسلم کی عبادت گاہ میں گھس کر اس کی بے حرمتی کی کوشش کی اور مسجد میں موجود فلسطینیوں پر حملہ کیا۔

یہ بھی پڑھیں : بس اب بہت ہوگیا،جہاد اسلامی کا اسرائیل کے خلاف اعلان جنگ

محمد الضیف نے مزید کہا کہ قابض اسرائیل نے نہتے فلسطینیوں کا قتل عام جاری رکھا ہوا ہے۔ ہماری قوم اور ہمارے صالح مجاہدین کا غصہ پھٹ رہا ہے۔ یہ آپ کا دن ہے کہ دشمن کو یہ سمجھانے کا دن ہے کہ ہمارا وقت آگیا اور دشمن کا ختم ہوا۔

دوسری جانب فلسطینی نوجوانوں نے اسرائیل کے اندر گھس کر سب سے بڑا آپریشن شروع کر دیا ہے۔

فلسطین کی اسلامی مزاحمتی تنظیم حماس کے نوجوانوں نے اسرائیل کے اندر گھس کے طوفان الاقصی آپریشن شروع کر دیا۔

متعدد اسرائیلی فوجیوں کو یرغمال بنا لیا گیا ہے جبکہ اسرائیلی ذرائع ابلاغ نے 250 سے زائد افراد کے زخمی ہونے کی اطلاع دی ہے جن میں زیادہ تر کی حالت تشویشناک ہے۔

خیال رہے کہ اسرائیلی قابض فوج نے فلسطین کے علاقے غزہ کی پٹی پر آج ہفتے کی صبح بڑے پیمانے پر فضائی حملے کیے ہیں جن میں بڑے پیمانے پر جانی اور مالی نقصان کا اندیشہ ہے۔