لاکھوں یمنیوں کی اتحاد و وحدت کی عظیم ریلی اور پیغمبر اسلام (ص) کی ولادت کا جشن
شیعیت نیوز: یمن کے مختلف صوبوں میں لاکھوں یمنیوں نے پیغمبر اسلام (ص) کی ولادت باسعادت کا جشن منایا اور خدا کے دشمنوں سے برات کے نعرے لگائے۔
المسیرہ کی رپورٹ کے مطابق لاکھوں یمنیوں نے اس ملک کے مختلف صوبوں منجملہ صعدہ، صنعاء، تعز، ذمار، جوف، مارب اور المحیط میں پیغمبر اسلام (ص) کی ولادت باسعادت کی تقریبات اور ہفتہ وحدت کا آغاز ہوا۔
یہ بھی پڑھیں : ایرانی وزارت خارجہ کی ہالینڈ میں قرآن کریم کی توہین کی شدید مذمت
عبدالمالک الحوثی کی کال پر اس سال عظیم ریلیوں میں یمنیوں کی شرکت بے مثال رہی اور السبین اسکوائر اور اس کے ارد گرد کی سڑکوں پر اور لاکھوں افراد موجود تھے۔
ان ریلیوں میں خدا کے دشمنوں سے برات کے فلک شگاف نعرے لگائے گئے اور درود و سلام کے نعروں سے یمن کی فضا گونج اٹھی۔
یمن کی تحریک انصار اللہ کے رہنما سید عبدالملک بدر الدین الحوثی نے اس موقع پر ایک پر وقار تقریب سے خطاب کرتے ہوئے کہا کہ صیہونی لابی اور مغرب میں اس کے اتحادی اسلامی مقدسات کی توہین کرنے جیسے اقدامات سے انسانیت اور اسلام کی دشمنی کے در پے ہیں۔
یہ بھی پڑھیں : امام حسینؑ کے قاتل عمرابن سعد لعنتی کا پتلاجلانے پر توہین صحابہ کا مقدمہ درج، شیعہ نوجوان گرفتار
انہوں نے کہا کہ امریکہ اور صیہونی حکومت کی اسلام کے ساتھ کھلی دشمنی مسلمانوں کو اس بات پر مجبور کرتی ہے کہ وہ ظلم کا مقابلہ کریں۔
