فلسطینی مزاحمتی تنظیموں کے رہنماؤں کی بیروت میں ملاقات
شیعیت نیوز: فلسطینی مزاحمتی تنظیموں حماس، اسلامی جہاد اور عوامی محاذ برائے فلسطین کے رہنماؤں نے بیروت اجلاس میں بعض ممالک کی جانب سے غاصب صیہونی حکومت کے ساتھ تعلقات کو معمول پر لانے کی کوششوں کی مذمت کی۔
اس اجلاس میں اسلامی جہاد کے سیکرٹری جنرل زیاد النخلہ، حماس کے نائب سربراہ صالح العاروری، عوامی محاذ کے ڈپٹی سیکرٹری جنرل جمیل مزہر، جہاد اسلامی پولیٹیکل بیورو کے رکن علی ابو شاہین اور حماس کے پولیٹیکل بیورو کے رکن حسام بدران شریک تھے۔
اجلاس میں فلسطین کی موجودہ صورت حال، فلسطینی قوم کے خلاف صیہونی دشمن کے مجرمانہ اقدامات کی روک تھام، خاص طور پر اس حکومت کی جانب سے مزاحمتی رہنماؤں کو قتل کرنے کی دھمکیوں، مسجد الاقصیٰ پر مسلسل حملوں، اور اس کے خلاف ہونے والے حملوں کے بارے میں تبادلہ خیال کیا۔
یہ بھی پڑھیں : قم المقدس میں علامہ راجہ ناصر عباس جعفری کا خطاب: متنازعہ بِل کی واپسی ملت جعفریہ کے اتحاد سے ممکن ہوئی
ان ذرائع ابلاغ نے اس اجلاس کے انعقاد کا مطلب مغربی کنارے، غزہ یا یہاں تک کہ دیگر علاقوں میں سیکورٹی کی صورت حال میں اضافہ سمجھا اور اس پر تشویش کا اظہار کیا۔
اجلاس میں قابض صیہونی حکومت کی جانب سے فلسطینی اراضی کو ضم کرنے کی کوششوں اور نئی صیہونی بستیوں کی تعمیر کے بارے میں غور و خوص کیا گیا۔
فلسطینی مزاحمتی تنظیموں کے رہنماؤں نے صیہونیوں کی جانب سے مسجد الاقصیٰ پرحملوں کے اعلانات کو فلسطینی قوم کے خلاف اعلان جنگ قرار دیا اس کے خلاف ڈٹ جانے کا عزم ظاہر کیا۔
اجلاس میں بعض ممالک کی طرف سے قابض صیہونی حکومت کے ساتھ تعلقات معمول پر لانے کی کوششوں کی بھی مذمت کی گئی۔
