سعودی عرب میں پہلی بار کسی اسرائیلی وزیر سیاحت کی اعلانیہ آمد

شیعیت نیوز: صیہونی حکومت کے وزیر سیاحت کے دفتر نے اس سلسلے میں ایک بیان جاری کیا اور اعلان کیا کہ اسرائیلی وزیر سیاحت ہایم کاٹز اقوام متحدہ کی ایک کانفرنس میں شرکت کے لیے سعودی عرب پہنچ گئے ہے۔

فلسطین الیوم کی رپورٹ کے مطابق عبرانی ذرائع ابلاغ نے اعلان کیا ہے کہ غاصب صیہونی حکومت کے وزیر سیاحت ہایم کاٹز منگل کو ایک وفد کی سربراہی میں ریاض پہنچیں گے۔

صیہونی حکومت کے وزیر سیاحت کے دفتر نے اس سلسلے میں ایک بیان جاری کیا اور اعلان کیا کہ صہیونی وزیر سیاحت ہایم کاٹز اقوام متحدہ کی ایک کانفرنس میں شرکت کے لیے سعودی عرب پہنچ گئے ہے۔

یہ بھی پڑھیں : علاقے میں نئے معاہدے اور کشیدگی میں کمی کی امید بڑھی ہے، ماجد الانصاری

عبرانی میڈیا کے مطابق اس دورے سے وزیرِ سیاحت ہایم کاٹز سعودی عرب کا دورہ کرنے والے پہلے اسرائیلی وزیر بن گئے۔

دوسری جانب فلسطین الیوم نے خبر دی ہے کہ سعودی عرب اور صیہونی حکومت کے درمیان تعلقات کو معمول پر لانے کی خبریں سامنے آنے کے بعد غاصب اسرائیل کی جانب سے اعلان کیا ہے کہ اگلے ہفتے غاصب صیہونی حکومت کے مواصلات کے وزیر ’’شلومو کرعی‘‘ کا دورہ کریں گے۔ اور Knesset کے رکن ’’دیوید بیتان‘‘ بھی سعودی عرب کے ساتھ مواصلات کے شعبے میں معاہدوں پر دستخط کریں گے۔

صیہونی حکومت کے وزیر سیاحت کی سعودی عرب میں موجودگی ساتھ ہی دوسری جانب سعودی عرب کے فلسطین اتھارٹی کے لیے گزشتہ برس مقرر کیے گئے پہلے سفیر نے آج اپنی سفارتی اسناد صدر محمود عباس کو پیش کردیں۔