مقبوضہ بیت المقدس میں چاقو کے حملے میں اور دوسرا نابلس میں تیاریوں کے دوران شہید

شیعیت نیوز: بدھ کی شام مقبوضہ بیت المقدس میں اسرائیلی قابض فوج نے ایک نوجوان کو چاقو سے حملہ کرنے کے بعد گولی مار کر شہید کردیا۔ اس چاقو حملے میں ایک یہودی آباد کار زخمی ہوا ہے۔

عبرانی میڈیا نے بتایا کہ نوجوان کو اسرائیلی فوج نے مقبوضہ بیت المقدس میں المسررہ محلے میں قابض پولیس ہیڈکوارٹر کے سامنے لائٹ ریلوے اسٹیشن پر گولی ماری۔

جائے وقوعہ سے ملنے والی ایک ویڈیو ٹیپ میں فلسطینی مزاحمت کار کو خون بہہ رہا تھا۔

عبرانی میڈیا نے اطلاع دی ہے کہ ایک آباد کار جس کی عمر 25 سال  تھی زخمی ہوا ہے۔

مقبوضہ مغربی کنارے اور یروشلم میں قابض اسرائیلی افواج اور ان کے آباد کاروں کے خلاف مزاحمتی کارروائیوں میں اضافہ دیکھا جا رہا ہے۔

یہ بھی پڑھیں : فلسطین، نابلس میں بم دھماکہ ، تین صہیونی فوجی زخمی

معطی سینٹر نے گذشتہ جولائی کے دوران مزاحمت کی 1,132 کارروائیوں کی نشاندہی کی، جن میں 97 فائرنگ آپریشنز اور قابض افواج کے ساتھ مسلح جھڑپیں شامل ہیں، جن میں سے 33 جنین میں کی گئیں۔

اسی تناظر میں نابلس کے قصبہ کفر قلیل سے تعلق رکھنے والے نوجوان عیاد عادل احمد القنی جس کی عمر 30 سال تھی کو کل شام گولیاں مار کر شہید کردیا۔

یروشلم شہر میں اسلامی مزاحمتی تحریک حماس کے ترجمان محمد حمادہ نے بتایا کہ بدھ کی شام مقبوضہ بیت المقدس میں المسررہ محلے میں چاقو کے حملے میں  ایک جرات مندانہ فدائی حملہ کیا جس میں ایک یہودید آباد کار شہید ہوگیا۔

دوسری جانب فلسطینی ذرائع ابلاغ کا کہنا ہے کہ استقامت کے مجاہدین نے غرب اردن کے شہر جنین کی فضائي حدود میں صیہونی حکومت کے ایک ہیلی کاپٹر کو اپنے حملے کا نشانہ بنایاہے۔

فلسطین الیوم کی ویب سائٹ کی رپورٹ کے مطابق فلسطینی ذرائع نے کہا ہے کہ صیہونی حکومت کا ایک ہیلی کاپٹر جنین کیمپ کی فضائي حدود میں پرواز کر رہا تھا جس کو فلسطینی مجاہدین نے فائرنگ کرکے تباہ کردیا۔

دریں اثنا مقامی ذرائع نے غزہ پٹی میں واقع فلسطینی استقامت کے مورچوں پر صہیونی حکومت کے متعدد ڈرون طیاروں کی پروازوں کی خبر دی ہے۔

اس رپورٹ کے مطابق فلسطینی مجاہدین نے جنین کے قریب واقع صیہونی فوجیوں کی چیک پوسٹ دوتان پر فائرنگ کی۔