شام میں امریکی فوجیوں کی غیر قانونی موجودگی کے کیا اہداف ہیں؟، سعید فارس السعید
شیعیت نیوز: شام کے ایک سکیورٹی ماہر سعید فارس السعید نے امریکہ کی جانب سے اس ملک پر قبضے کے اصرار کا مقصد، کرد ملیشیا کی علیحدگی پسندی کی حمایت قرار دیا ہے۔
شام کے ایک سیکورٹی ماہر کا کہنا ہے کہ امریکہ کی غیر قانونی موجودگی علیحدگی پسندوں کی حمایت ہے۔
یہ بھی پڑھیں : امریکہ اور فرانس نائجیریا اور نائیجر کے درمیان بحران پیدا کر سکتے ہیں، شیخ ابراہیم زکزاکی
فارس نیوز کے مطابق شام کے سیکورٹی تجزیہ کار اور ماہر سعید فارس السعید نے عراق اور شام میں امریکی فوجی موجودگی کو غیر قانونی قرار دیا اور اس موجودگی کا مقصد کرد ملیشیا کی علیحدگی پسندی کی حمایت قرار دیا ہے۔
انہوں نے العہد نیوز ویب سائٹ کو بتایا کہ امریکہ کا ایک اور ہدف دہشت گرد گروہوں کو منظرعام پر لانا ہے، خاص طور پر اس لئے کیونکہ حالیہ عرصے کے دوران شام کے صحراؤں میں داعش کے عناصر کی سرگرمیوں میں نمایاں اضافہ ہوا ہے۔
یہ بھی پڑھیں : اسلام آباد، چیئرمین ایم ڈبلیوایم علامہ راجہ ناصرعباس کی مسیحی رہنماؤں اور اسکالرز کے ہمراہ سانحہ جڑانوالہ کے خلاف پریس کانفرنس
سعید فارس السعید نے ایران اور روس پر دباؤ کو امریکہ کا دوسرا ہدف قرار دیا اور واضح کیا کہ واشنگٹن، یوکرین کے حوالے سے روس پر اور لبنان و شام میں صیہونی حکومت کے ساتھ محاذ آرائی کے سلسلے میں ایران پر دباؤ ڈالنے کا ارادہ رکھتا ہے۔
شام کے اس فوجی تجزیہ کار کے مطابق امریکہ علیحدگی پسند ملیشیا اور دہشت گرد گروہوں کو اپنے ہتھیار اور حربے کے طور پر استعمال کرتا ہے۔
