بائیڈن نے شرمناک طریقے سے ایران کے سامنے ہتھیار ڈال دیے ہیں، امریکی صدارتی امیدوار

شیعیت نیوز: 2024 کے امریکی صدارتی انتخابات کے امیدوار نے ایران کے حوالے سے ملک کی موجودہ حکومت کے موقف پر کڑی تنقید کرتے ہوئے کہا کہ بائیڈن نے ایران کے سامنے ہتھیار ڈال دیے ہیں۔

رپورٹ کے مطابق فلوریڈا وائس نے فلوریڈا کے گورنر رون ڈی سینٹس اور 2024 کے امریکی انتخابات کے ریپبلکن امیدوار کے حوالے سے صدر جو بائیڈن کے ایران کے معاملے کو ہینڈل کرنے کے طریقے پر کڑی تنقید کرتے ہوئے کہا ہے کہ انہوں نے ایران کے ہتھکنڈوں کے سامنے ہتھیار ڈال دیے ہیں۔

ڈی سینٹیس نے ایک ٹویٹ میں ایران کو 6 بلین ڈالر کی حالیہ ادائیگی پر تشویش کا اظہار کیا اور امریکی حکام کے بے بنیاد دعووں کو دہراتے ہوئے دعویٰ کیا کہ یہ ادائیگی غیر ارادی طور پر ایران کے جوہری عزائم کی حمایت کرتی ہے۔

یہ بھی پڑھیں : مصر سے یوکرین کو ہتھیار بھیجنے کی درخواست، مصری حکام کا امریکی مطالبہ ماننے سے انکار

امریکی صدارتی امیدوار نے ’’سابق ٹویٹر ایکس‘‘ پر لکھا کہ یہ $6 بلین ایران کو جوہری ہتھیار بنانے، دہشت گردی کی حمایت اور روس کی کمک کرنے میں مدد کرے گا! بائیڈن کی خوشنودی اور کمزوری نے ایران کو ہم پر اور ہمارے اتحادیوں پر حملہ کرنے پر اکسایا اور جوہری ہتھیاروں تک زیادہ سے زیادہ رسائی حاصل کرنے کے لیے ایران کے راستے کو آسان بنایا۔

یاد رہے کہ امریکہ کے ایران کی پرامن ایٹمی سرگرمیوں کے بارے میں یہ جھوٹے دعوے ہیں جبکہ انہوں نے اب تک کوئی ثبوت فراہم نہیں کیا ہے کہ تہران ایٹمی ہتھیار حاصل کرنے کی کوشش کر رہا ہے۔

جمعرات کو انٹرویو میں ایک باخبر ذریعے نے اس خبر کی تصدیق کرتے ہوئے کہا کہ ایران کے منجمد فنڈز ان اکاونٹس میں منتقل کیے جا رہے ہیں جن پر جنوبی کوریا سے اتفاق ہوا ہے۔ قطر میں کسی اکاؤنٹ میں رقوم کی قطعی منتقلی کے بعد امریکی قیدیوں کو رہا کر دیا جائے گا اور امریکہ میں موجود متعدد ایرانی قیدیوں کو بھی رہا کر دیا جائے گا۔