اہم ترین خبریںپاکستان کی اہم خبریں

نواب شاہ کے قریب کراچی سے راولپنڈی جانے والی ہزارہ ایکسپریس کو حادثہ، دررجنوں جاں بحق وزخمی

مقامی پولیس کے مطابق ہزارہ ایکسپریس میں سوار مسافروں کو بوگیوں سے نکالنے کا کام جاری ہے

شیعیت نیوز: صوبہ سندھ کے ضلع نواب شاہ کے قریب کراچی سے راولپنڈی جانے والی ہزارہ ایکسپریس کی 5 بوگیاں پٹری سے اتر گئیں، جس کے نتیجے میں 30 افراد جاں بحق اور متعدد زخمی ہوگئے۔ ریلوے ذرائع کے مطابق تمام افراد کی لاشیں نکال لی گئی ہیں۔ اسپتال ذرائع کے مطابق ٹرین حادثے میں 100مسافر زخمی ہوئے ہیں۔ ڈی ایس ریلوے محمود الرحمٰن کا کہنا ہے کہ ہزارہ ایکسپریس کو حادثہ سرہاری ریلوے اسٹیشن کے قریب پیش آیا، حادثے کی تفصیلات حاصل کی جا رہی ہیں۔

یہ بھی پڑھیں: اپوزیشن لیڈر کاظم میثم کی گلگت بلتستان اسمبلی میں گھن گرج، حکومتی ممبران کو مہذب انداز میں آڑے ہاتھوں لےلیا

انہوں نے کہا کہ لوکوشیڈ روہڑی سے ریلیف ٹرین جائے حادثہ روانہ ہو رہی ہے، حادثے کے باعث اپ ٹریک پر ٹریفک معطل ہے، حادثے کے بعد ریسکیو آپریشن شروع کر دیا گیا ہے۔ مقامی پولیس کے مطابق ہزارہ ایکسپریس میں سوار مسافروں کو بوگیوں سے نکالنے کا کام جاری ہے۔ایدھی فاؤنڈیشن کنٹرول روم کے مطابق حیدرآباد، نواب شاہ، میرپور خاص، سکھر اور قریب کے سینٹروں سے ایدھی کی درجنوں گاڑیاں جائے وقوعہ پر روانہ کی ہیں۔

متعلقہ مضامین

Back to top button