اب امریکہ سپر پاور نہیں رہا، جنرل کیومرث حیدری

شیعیت نیوز: ایران کی بری فوج کے کمانڈر جنرل کیومرث حیدری نے کہا ہے کہ اب امریکہ سپر پاور نہیں رہا اور اس کا دنیا پر جھوٹا تسلط اس وقت تمام ہو چکا ہے۔

ایران کی بری فوج کے کمانڈر بریگیڈئیر جنرل کیومرث حیدری نے 1979 میں آرمی ایوی ایشن کے جوانوں کی امام خمینی (رح) کے ساتھ حلف برداری کی یاد میں منعقدہ تقریب سے خطاب میں کہا کہ آرمی ایوی ایشن کے اہلکاروں نے 10 جولائی 1979 کو امام خمینی (رح) کے سامنے شاندار پریڈ کے ذریعے اسلامی انقلاب کے بانی سے بیعت کی اور فضائیہ کے جوانوں نے امام راحل کے ساتھ جو بیعت کی وہ اٹوٹ ہے اور آج تک جاری ہے۔

ایران کی بری فوج کے  نے کہا کہ آج امریکہ سپر پاور نہیں رہا اور امریکہ کے جعلی تسلط کی کوئی خبر نہیں ہے اور اسلامی جمہوریہ علاقائی اور عالمی حالات میں خوش اسلوبی سے اپنا کردار ادا کر رہا ہے۔

یہ بھی پڑھیں : شام میں کار بم دھماکہ، بچوں سمیت 5 افراد جاں بحق

انہوں نے مزید کہا کہ اسلامی جمہوریہ کی فوج نے دفاع مقدس (ایران عراق جنگ) کے دوران انقلاب اسلامی کے لیے 48 ہزار شہداء پیش کیے اور سپاہیوں نے امام راحل سے جو بیعت کی وہ ابھی تک جاری ہے۔

جنرل حیدری نے کہا کہ فوج نے دشمن کی جارحیت کو روکنے میں بڑی کامیابیاں حاصل کیں اور بہت سے فوجی سازوسامان کی تیاری کے میدان میں وہ اب خود کفیل ہو چکی ہے۔

دوسری جانب خلیج فارس میں ایران کی سپاہ پاسداران انقلاب اسلامی فورس کے جوانوں نے دس لاکھ لیٹر سے زائد غیر قانونی تیل کے حامل بحری جہاز کو دھر دبوچا۔

ایران کا تیل اسمگل کر رہے ایک غیر ملکی آئل ٹینکر نے جب خود کو سپاہ پاسداران کے حصار میں پایا تو اُس نے علاقے میں موجود امریکیوں سے مدد مانگی جس کے بعد امریکی جنگی طیاروں نے خطے میں اڑان بھر کے سپاہ پاسداران کے جوانوں کو مرعوب کرنے کی کوشش کی مگر اس امریکی ڈرامے کا کوئی نتیجہ نہ نکلا اور امریکی فوجی سپاہ پاسداران کے جوانوں کے عزم کے سامنے پسپا ہو گئے۔