فرانس، پرتشدد مظاہرے، محکمہ ٹرانسپورٹ کو دو کروڑ یورو کا نقصان

شیعیت نیوز: محکمہ ٹرانسپورٹ کے مطابق پیرس میں اب تک 39 بسوں کو نذرآتش کیا گیا ہے جبکہ بجلی کے ذریعے چلنے والی ٹرین آگ لگنے سے مکمل تباہ اور دو دیگر ٹرینوں کو جزوی نقصان پہنچا ہے۔

فرانس 24 نے خبر دی ہے کہ فرانس میں گذشتہ ہفتے پولیس کے ہاتھوں نوجوان کے قتل کے بعد احتجاج اور مظاہروں میں شدت آرہی ہے۔ دارالحکومت پیرس میں مظاہرین اور پولیس کے درمیان شدید جھڑپیں ہورہی ہیں۔

ذرائع کے مطابق پیرس میں محکمہ ٹرانسپورٹ کی تنصیبات کو سب سے زیادہ نقصان پہنچا ہے۔ اب تک کی اطلاعات کے مطابق مختلف مقامات پر ہونے والے حملوں میں مجموعی طور پر دو کروڑ یورو کا نقصان ہوا ہے۔

یہ بھی پڑھیں : شنگھائی تعاون کونسل، پاکستان، چین، روس اور بھارت کی جانب سے ایران کی شمولیت کا خیر مقدم

محکمہ ٹرانسپورٹ کے مطابق پیرس میں بسوں کو آگ لگادی گئی ہے جبکہ بجلی کے ذریعے چلنے والی ٹرین کو بھی مکمل طور پر نذرآتش کیا گیا ہے علاوہ ازین دو دیگر ٹرینوں کو جزوی نقصان پہنچنے کے علاوہ شہر کے مختلف حصوں میں سڑکوں اور شاہراہوں پر تزئین و آرائش کی تنصیبات کو تباہ کیا گیا ہے۔

پیرس میں ٹرانسپورٹ کمپنیوں نے نقصانات کے بارے میں رپورٹ جاری کی ہے کہ احتجاجات کے شروع سے اب تک مجموعی طور پر 39 بسوں کو نذر آتش کردیا گیا ہے جن میں سے ہر ایک کی قیمت 3 لاکھ 50 ہزار یورو ہے۔

کمپنیوں کے مطابق پبلک ٹرانسپورٹ کو رات 9 بجے کے بعد بند کیا جارہا ہے۔ حکومت کی جانب سے نقصانات کو تلافی کرنے کے حوالے سے قانون کو مزید سخت کرنے کے بعد بسوں کا جلانے اور نقصان پہنچانے کے عمل میں کمی آئی ہے۔