الہی مذاہب کے نمائندوں کی امام خمینیؒ کے مزار پر حاضری

شیعیت نیوز: امام خمینی (رح) کی چونتیسویں برسی کے موقع پر الہی مذاہب کے پیروکاروں ارمنی، آشوری، کلیمی اور زرتشتیوں کے نمائندہ وفد نے ایران کے بانی کے مزار پر حاضری دی اور پھولوں کی چادر چڑھاتے ہوئے انھیں خراج تحسین پیش کیا۔

رپورٹ کے مطابق امام خمینی (رح) کی چونتیسویں برسی کے موقع پر الہی مذاہب کے پیروکاروں ارمنی، آشوری، کلیمی اور زرتشتیوں کے نمائندہ وفد نے ایران کے بانی کے مزار پر حاضری دی اور پھولوں کی چادر چڑھاتے ہوئے انھیں خراج تحسین پیش کیا۔

اس وفد نے امام خمینی (رح) ،رہبر انقلاب اسلامی اور شہیدوں کے افکار و نظریات سے تجدید عہد کیا۔

واضح رہے کہ 4 جون 2023 کو بانی انقلاب اسلامی امام خمینی (رح) کی چونتیسویں برسی ہے۔

یہ بھی پڑھیں : ایران جلد ہائپرسونک میزائل لانچ کرے گا، جنرل امیر علی حاجی زادہ

دوسری جانب ایران کی فنی وضاحت کے بعد جوہری ری ایکٹر اور 83 فیصد یورنئیم کی افزودگی کے حوالے سے عالمی ادارے کے اعتراضات ختم ہوگئے۔

رپورٹ کے مطابق ایران اور جوہری توانائی کے عالمی ادارے کے درمیان متنازع امور پر ہونے والے مذاکرات میں اہم پیشرفت ہوئی ہے۔ عالمی ادارے کی جانب سے ایک ری ایکٹر کے بارے میں سوال اٹھایا جارہا تھا لیکن فریقین نے گفت و شنید کے ذریعے مسئلے کو حل کرلیا ہے۔ اسی طرح عالمی ادارے نے یورنئیم کی 7/83 فیصد افزودہ ذرات کشف ہونے کا دعوی کیا تھا لیکن ایران نے فنی طور پر وضاحت پیش کیا جس کے نتیجے میں مذکورہ اعتراض بھی ختم ہوگیا ہے۔

یاد رہے کہ آئی اے ای اے کے سربراہ رفائیل گروسی نے گذشتہ سال ایران کا دورہ کیا تھا۔ صدر رئیسی نے عالمی ادارے کے سربراہ پر واضح کیا تھا کہ اگر ایران عالمی ادارے کے ساتھ جوہری معاملات پر تعاون کرنے کے لئے آمادہ ہے لیکن ادارے کی نگرانی فنی ہونا چاہئے اور عالمی استعماری طاقتوں کے اثرات سے بالاتر ہوکر کام کرنا ہوگا۔ اس صورت میں ایران ادارے کے ساتھ تعاون کو مزید بڑھائے گا۔

صدر رئیسی نے مزید کہا تھا کہ اگر عالمی طاقتیں غیر ضروری مداخلت سے باز رہیں تو ایران اور عالمی جوہری ادارے کے درمیان تعاون کو مزید فروغ ملے گا۔