ڈی آئی خان ، پاک فوج کی حمایت میں ریلی، شیعہ علماءکونسل کے رہنما علامہ رمضان توقیر کی خصوصی شرکت
ریلی کے موقع پر علامہ محمد رمضان توقیر نے کہا کہ پاک فوج ہماری سرحدات کی محافظ ہے، جب بھی ملک پر مشکل وقت آیا پاک فوج نے ملک کا دفاع کرتے ہو ئے کسی قربانی سے دریغ نہیں کیا
شیعیت نیوز: ڈیرہ اسماعیل خان میں آل کریانہ ایسوسی ایشن ڈیرہ کے زیر اہتمام پاک فوج سے اظہار یکجہتی کے لئے جی پی او چوک سے ریلی نکالی گئی، ریلی میں صوبائی وزیر زراعت و لائیو سٹاک عبدالحلیم خان اور شیعہ علماء کونسل پاکستان کے مرکزی نائب صدر علامہ محمد رمضان توقیر کی خصوصی شرکت کی۔
ریلی میں نگران صوبائی وزیر زراعت عبدالحلیم خان قصوریہ، حاجی نظام الدین، جے یو آئی کے رہنما کفیل احمد نظامی، سابق ممبر صوبائی اسمبلی فتح اللہ میانخیل، ممبر ڈی آر سی حاجی بشیر بلوچ، سید انصار علی زیدی، مولانا ناصر عباس توکلی، جاوید مروت، ملک ایاز چھینہ، چوہدری شاہد راج، چوہدری صدام پیپا سمیت دیگر سیاسی و سماجی شخصیات کے علاوہ عوام نے کثیر تعداد میں شرکت کرکے افواج پاکستان اور سیکورٹی اداروں سے یکجہتی کا اظہار کیا۔
یہ بھی پڑھیں: ملک دشمن بین الاقوامی قوتیں پاکستان کا امن تباہ کرنا چاہتی ہیں، علامہ شبیر میثمی
ریلی کے موقع پر علامہ محمد رمضان توقیر نے کہا کہ پاک فوج ہماری سرحدات کی محافظ ہے، جب بھی ملک پر مشکل وقت آیا پاک فوج نے ملک کا دفاع کرتے ہوئے کسی قربانی سے دریغ نہیں کیا، پوری پاکستانی قوم پاک فوج کے ساتھ ہے۔
انہوں نے مزید کہا کہ پاک فوج نے ہمیشہ ملک کا دفاع کیا ہے، لیکن آج غیر ملکی ایجنڈے کے تحت پاک فوج کو متنازعہ بنانے کی ناکام کوشش ہورہی ہے۔ پوری قوم پاک فوج کی پشت پر ہے۔پاک فوج پر ہر پاکستانی کو فخر ہے، جس نے ہمیشہ ملک کا دفاع کرکے پاکستان کو مستحکم کیا ہے، دشمن کے عزائم پہلے بھی ناکام ہوئے آئندہ بھی ناکام ہونگے۔
