متحدہ عرب امارات کے صدر کی بشار الاسد کو دبئی موسمیاتی کانفرنس میں شرکت کی دعوت
شیعیت نیوز: متحدہ عرب امارات کے صدر شیخ محمد بن زاید نے بشار الاسد کو دبئی موسمیاتی کانفرنس میں شرکت کی دعوت دی۔
دمشق میں متحدہ عرب امارات کے سفارت خانے نے اپنے ٹوئٹر اکاؤنٹ پر اعلان کیا کہ شام میں متحدہ عرب امارات کے سفارت خانے کے ناظم الامور عبدالحکیم النعیمی نے صدر بشار الاسد سے ملاقات کی اور بات چیت کی۔
یہ بھی پڑھیں : مغربی ممالک دہشت گرد گروہوں کی محفوظ پناہ گاہیں بن چکے ہیں،کاظم غریب آبادی
اس ملاقات میں عبدالحکیم النعیمی نے بشار الاسد کو دبئی موسمیاتی کانفرنس میں شرکت کے لیے متحدہ عرب امارات کی حکومت کے سربراہ محمد بن زاید کا سرکاری دعوت نامہ پیش کیا۔
ایک ہفتہ قبل شام کے صدر بشار الاسد نے متحدہ عرب امارات کے صدر شیخ محمد بن زید النہیان سے ٹیلی فون پر بات چیت کی تھی۔
اس رپورٹ کے مطابق اسد اور بن زاید نے عرب دنیا میں ہونے والی مثبت پیش رفت پر تبادلہ خیال کیا۔
شام کے صدر نے عرب ممالک کے مشترکہ تعاون کو مضبوط بنانے اور عرب ممالک اور عوام کے مفادات کی خدمت کے لیے اتحاد کے قیام اور عرب تعلقات کو بہتر بنانے میں متحدہ عرب امارات کے کردار کو سراہا۔
یہ بھی پڑھیں : نئی نسل معاشرے میں جاری کرپشن اور ظالمانہ نظام سے بیزار ہو کر ملک و قوم کی قسمت بدلنا چاہتے ہیں،علامہ مقصودڈومکی
اس گفتگو میں شام اور متحدہ عرب امارات کے درمیان دوطرفہ تعلقات اور کئی شعبوں میں مسلسل تعاون پر تبادلہ خیال کیا گیا۔
IRNA کے مطابق، یہ پیش رفت ایسے وقت میں ہو رہی ہے جب عرب لیگ کے رکن ممالک نے اتوار کو شام کی لیگ میں واپسی کے ساتھ اپنے معاہدے کا اعلان کیا تھا۔
نومبر 2011 میں عرب لیگ نے دمشق کی رکنیت معطل کر دی اور اس کے خلاف سیاسی اور اقتصادی پابندیاں عائد کر دیں۔
