فلسطین آزاد ہو کر رہے گا، دارالحکومت لندن میں عالمی یوم القدس ریلی

شیعیت نیوز: برطانیہ کے دارالحکومت لندن میں اتوار کے روز عالمی یوم القدس اور فلسطینی عوام کی حمایت میں شاندار ریلیاں نکالی گئیں۔
دارالحکومت لندن میں ہونے والی ریلیوں کا انعقاد اپرتھائیڈ کے خلاف اتحاد سلوگن کے تحت ہوا جہاں برطانوی شہریوں کی بڑی تعداد نے فلسطینیوں کی حمایت میں ریلیوں میں شرکت کی اور فلسطینی عوام کی حمایت میں نعرے لگائے۔
یہ بھی پڑھیں : فلسطینی استقامتی تنظیم حماس کے رہنما آج سعودی عرب کا دورہ کریں گے
برطانوی شہری فلسطینی سرزمینوں پر صیہونیوں کے غیرقانونی قبضے کے فوری خاتمے کا مطالبہ کر رہے تھے۔ القدس ریلی میں شامل صیہونیت مخالف یہودی مذہبی رہنما یعقوب وائس نے اس موقع پر کہا کہ فلسطینیوں کی حمایت کرنا یہودیت کے ہر حقیقی ماننے والے کا فرض ہے۔
انہوں نے کہا کہ صیہونیت ایک سیاسی ایجنڈا ہے جس کا یہودیت سے کوئی تعلق نہیں ہے۔ خاخام یعقوب وائس نے کہا کہ عوام کے تصور کے برخلاف صیہونیت کے ماننے والے، یہودی نہیں ہوتے۔
یہ بھی پڑھیں : امریکہ کے شہر نیویارک میں عالمی یوم القدس کی ریلیوں کا انعقاد
عالمی یوم القدس کی ریلی میں شامل ایک اور برطانوی شہری نے بھی کہا کہ اس وقت تل ابیب میں اقتدار ایک انتہاپسند صیہونی حکومت کے ہاتھوں میں ہے جو صرف فلسطینیوں کو ختم کرنے کا سوچ رہی ہے۔
دارالحکومت لندن سمیت برطانیہ کے دیگر شہروں میں ہونے والی ریلیوں میں شامل عوام کا کہنا تھا کہ برطانیہ اور دیگر مغربی حکومتوں نے صیہونی بربریت پر خاموشی اختیار کی ہوئی ہے جو کہ ان کے اخلاقی زوال کی علامت ہے۔
قابل ذکر ہے کہ برطانیہ کے علاوہ یورپ اور دنیا کے مختلف علاقوں میں آج بروز اتوار فلسطین کی حمایت میں شاندار ریلیاں نکالی گئیں۔