مسلمانوں کو اسرائیل کے خلاف یک زبان ہو کر مظلوم فلسطینیوں کے ساتھ کھڑے ہونے کی ضرورت ہے،علامہ اعجاز بہشتی

شیعیت نیوز: مجلس وحدت مسلمین پاکستان کے مرکزی ڈپٹی جنرل سیکرٹری علامہ اعجاز حسین بہشتی نے فلسطین میں غاصب اسرائیلیوں کی جانب سے حالیہ حملوں کے خلاف اپنے ایک بیان میں کہا کہ مسلمانوں کو اسرائیل کے خلاف یک زبان ہو کر مظلوم فلسطینیوں کے ساتھ کھڑے ہونے کی ضرورت ہے۔ اس ماہ مبارک میں فلسطینی مسلمان حالت روزہ میں اسرائیلی مظالم کا سامنا کر رہے ہیں، اس وقت پاکستان سمیت او آئی سی کو فوری ردعمل دینا چاہئے۔

یہ بھی پڑھیں: ایس پی کینٹ کیپٹن ریٹائرڈ قاضی علی رضا کا19 ماہ رمضان کے مرکزی جلوس کے روٹ کا معائنہ

علامہ اعجاز بہشتی کا مزید کہنا تھا کہ ایک طرف غاصب صیہونی فلسطینیوں پر ظلم کے پہاڑ توڑ رہے ہیں، قبلہ اول کی بے حرمتی کی جارہی ہے اور دوسری جانب ہمارے خیانت کار اسرائیل سے مراسم اور تجارتی تعلقات بڑھانے میں مصروف ہے۔ اسرائیل کے ساتھ پاکستان کے کسی بھی مراسم کی ہم شدید مذمت کرتے ہیں اور اس فعل کو نظریہ قائد اور نظریہ پاکستان کے منافی سمجھتے ہیں۔ لہذا حکومت کو ہوش کے ناخون لیتے ہوئے فلسطینوں کی حمایت میں اپنا کردار ادا کرنا چاہئے۔