چھے دن کے اندر شام پر صیہونی ٹولے کا چوتھا حملہ، 2 شہری شہید
شیعیت نیوز: صیہونی ٹولے کے بمبار طیاروں نے آج کی صبح دمشق اور اس کے اطراف میں بمباری کی۔ دوسری طرف دمشق اور امان ہائی وے پر ایک دہشت گردانہ بم دھماکے کی خبر ہے جس میں کم از کم سولہ افراد زخمی ہو گئے۔
شام کی سرکاری خبررساں ایجنسی سانا کے مطابق ناجائز صیہونی حکومت کے جنگی طیاروں نے پیر اور منگل کی درمیانی شب دمشق کے بین الاقوامی ایئرپورٹ کے قریب کئی مقامات پر بمباری کی جس میں اب تک دو عام شہریوں کے مرنے کی خبر ہے۔
صیہونی ٹولے کے بمبار طیاروں نے آج صبح سویرا دمشق اور اس کے اطراف میں بمباری کی۔
شامی فوج کا فضائی دفاعی نظام داغے گئے میزائلوں سے مقابلہ کر رہا ہے۔ دمشق کا بین الاقوامی ہوائی اڈہ صیہونی حکومت کی جانب سے آج رات کی بمباری کے اہداف میں سے ایک تھا۔
یہ بھی پڑھیں : بارودی سرنگوں کا صفایا کرنے کے عمل میں دنیا کے تمام ملکوں کے ساتھ تعاون کیلئے آمادہ ہیں
شامی فوج کا فضائی دفاعی نظام صہیونی کے کئی میزائلوں کو تباہ کرنے میں کامیاب رہا۔
گزشتہ چھے روز کے درمیان صیہونی ٹولے کا شام پر یہ چوتھا حملہ ہے۔ رپورٹ کے مطابق دھماکوں کی شدت اس قدر تھی کہ اس کی آواز مقبوضہ جولان اور طبریہ جھیل کے قریب رہائش پذیر مکینوں نے بھی سنی۔ بتایا جاتا ہے کہ شام کے ایئر ڈیفینس سسٹم نے صیہونی ٹولے کے اکثر میزائلوں کو نشانہ بنا کر تباہ کر دیا۔
اسرائیلی حکومت کے فضائی حملے ایک ایسے وقت میں ہو رہے ہیں جب شام کی حکومت نے بارہا اقوام متحدہ اور سلامتی کونسل سے ان حملوں کے روکنے اور مذمت کرنے کا مطالبہ کیا ہے۔
دوسری جانب دمشق اور امان ہائی وے پر ایک دہشت گردانہ بم دھماکے کی خبر ہے جس میں کم از کم سولہ افراد زخمی ہو گئے۔
شامی ذرائع کے مطابق یہ دہشت گردانہ دھماکہ دمشق امان ہائی وے پر صیدا پل کے قریب نصب ایک بم کا تھا جو اُس وقت پھٹ پڑا جب وہاں سے شام اردن مشترکہ فری زون کے ملازمین کی حامل ایک بس گزر رہی تھی۔
ابھی تک اس واقعے کی مزید تفصیلات سامنے نہیں آ پائی ہیں۔
