حلب کے ہوائی اڈے پر صیہونی جنگی طیاروں کا حملہ

شیعیت نیوز: شام کی وزارت دفاع نے بدھ کی صبح حلب کے ہوائی اڈے اور اس کے اطراف میں اسرائیلی حکومت کے راکٹ حملے کی تصدیق کرتے ہوئے اعلان کیا کہ اس حملے میں کوئی جانی نقصان نہیں ہوا۔

شام کی وزارت دفاع کے ایک فوجی ذریعے نے بتایا کہ اسرائیلی فضائی حملے سے حلب کے ہوائی اڈے کو صرف مادی نقصان پہنچا ہے۔

شام کے اس فوجی اہلکار نے سانا کو بتایا کہ نسل پرست حکومت کا میزائل حملہ مقامی وقت کے مطابق بدھ کی صبح 55:03 پر بحیرہ روم اور لطاکیہ کے مغرب سے ہوا اور اس نے حلب بین الاقوامی ہوائی اڈے کے آس پاس کے علاقے کو نشانہ بنایا جس سے ہوائی اڈے کو مادی نقصان پہنچا۔

بدھ کی صبح نیوز میڈیا نے شام کے شمال مغربی علاقوں بشمول حلب اور لاذقیہ میں یکے بعد دیگرے دھماکوں کی اطلاع دی تھی۔

یہ بھی پڑھیں : من، صوبۂ الجوف میں عرب اتحاد کے فوجی ڈرون طیارہ تباہ

العربیہ نیٹ ورک نے اس بارے میں لکھا کہ حلب کے بین الاقوامی ہوائی اڈے کو چار میزائلوں سے نشانہ بنایا گیا۔

عینی شاہدین نے یہ بھی کہا ہے کہ انہوں نے ایئرپورٹ سے دھوئیں کے کالم اٹھتے دیکھے۔

شامی ٹی وی نے یہ بھی اطلاع دی ہے کہ حلب اور اس کے اطراف میں دھماکوں کی آوازیں سنی گئیں۔

گزشتہ دو ہفتوں میں اس حکومت کا یہ دوسرا حملہ ہے، 16 مارچ کو بھی صیہونی حکومت نے اس ہوائی اڈے کو نشانہ بنایا اور اس ہوائی اڈے کو مادی نقصان پہنچانے کے ساتھ ساتھ اس کی سرگرمیاں بھی عارضی طور پر بند کر دی گئیں۔

اسرائیلی حکومت کے یہ فضائی حملے ایک ایسے وقت میں کیے گئے ہیں جب شامی حکومت نے متعدد بار اقوام متحدہ اور سلامتی کونسل کو خطوط بھیج کر ان حملوں کی مذمت کرتے ہوئے انہیں روکنے کا کہا ہے۔

حالیہ برسوں میں صیہونی حکومت نے دمشق اور شام کے مختلف علاقوں پر بارہا فضائی حملے کیے ہیں، جنہیں زیادہ تر صورتوں میں دمشق کے فضائی دفاع کی بروقت مداخلت سے پسپا کر دیا گیا ہے۔ کے ہوائی اڈے