یمن پر جارحیت کے متاثرین کی تعداد 13 ہزار سے تجاوز کرگئی ہے، انتصاف

شیعیت نیوز: خواتین اور بچوں کے حقوق کی تنظیم انتصاف نے اطلاع دی ہے کہ فروری 2023 کے آخر تک امریکہ اور سعودی عرب کے حملوں میں ہلاک اور زخمی ہونے والے یمنی بچوں اور خواتین کی تعداد 13,482 سے تجاوز کر گئی ہے۔

انتصاف تنظیم نے 2900 دنوں میں یمنی بچوں اور خواتین کے خلاف جارح اتحاد کے حملوں کے بارے میں ایک رپورٹ میں اعلان کیا ہے کہ ہلاک ہونے والے خواتین اور بچوں کی تعداد 6328 تک پہنچ گئی ہے جن میں سے 2440 خواتین اور 3888 مرد ہیں۔

اس دوران زخمی خواتین اور بچوں کی تعداد 7 ہزار 154 تک پہنچ گئی ہے جن میں 2 ہزار 866 خواتین اور 4 ہزار 288 بچے ہیں۔

یہ رپورٹ بتاتی ہے کہ یمن میں اس سال آٹھ ملین سے زیادہ خواتین اور لڑکیوں کو اپنی جان بچانے کے لیے خدمات کی ضرورت ہے۔

یمنی پناہ گزینوں کی تعداد 5 لاکھ 159 ہزار 560 تک پہنچ گئی ہے جن میں 740 ہزار 122 گھران شامل ہیں جن میں سے نصف خواتین اور بچے ہیں۔

یہ بھی پڑھیں : صدر قیس سعید کی حالیہ پالیسیوں کے بارے میں تیونس کے ججوں کی تنبیہ

انتصاف کی یہ رپورٹ اس بات کی نشاندہی کرتی ہے کہ مناسب پناہ گاہ کی عدم موجودگی میں، پرائیویسی کی کمی کی وجہ سے بے گھر خواتین اور لڑکیوں کی حفاظت خطرے میں ہے۔ یہ اس حقیقت کے باوجود ہے کہ انہیں بنیادی خدمات تک رسائی نہیں ہے اور وہ شدید نقصان اور تشدد کا شکار ہیں۔

اس رپورٹ میں کہا گیا ہے کہ بے گھر ہونے والے ہر تین میں سے ایک خاندان کی سربراہی خواتین کر رہی ہے اور ان خاندانوں کی 21 فیصد سربراہ لڑکیوں کی عمریں 18 سال سے کم ہیں۔

اس رپورٹ کے مطابق مغربی ساحلی علاقوں میں جارح قوتوں کی جارحانہ کارروائیوں کے 696 واقعات تھے جن میں 132 زیادتی کے جرائم اور اغوا کے 56 جرائم شامل تھے جبکہ جنوبی صوبوں بالخصوص عدن میں یہ کارروائیاں عصمت دری کے 443 واقعات تھیں۔

تعلیم کے لحاظ سے یہ رپورٹ بتاتی ہے کہ اسکول کی عمر کے 10.6 ملین یمنی بچوں (6 سے 17 سال کی عمر) میں سے کم از کم 2 ملین 400 ہزار بچے اسکول چھوڑ چکے ہیں۔

رپورٹ کے مطابق تعلیمی خلا کا سامنا کرنے والے بچوں کی تعداد 60 لاکھ تک پہنچ سکتی ہے جب کہ یمن بھر میں 8.1 ملین بچوں کو فوری طور پر تعلیمی امداد کی ضرورت ہے۔