کرسمس کے موقع پر پوپ فرانسس کا یوکرین اور شام میں جنگ اور دیگر تنازعات کے خاتمے کا مطالبہ

شیعیت نیوز: مسیحیوں کے روحانی پیشوا پوپ فرانسس نے کرسمس کے موقع پر اپنے پیغام میں یوکرین میں جنگ اور دیگر تنازعات کے خاتمے کا مطالبہ کرتے ہوئے کہا کہ دنیا امن کے قحط سے دوچار ہے۔ خبر رساں ادارے رائٹرز کی رپورٹ کے مطابق ویٹی کن سٹی میں کرسمس کے موقع پر اپنے روایتی خطاب میں دنیا کو خیر و برکت کا پیغام دیتے ہوئے انہوں نے لوگوں پر زور دیا کہ وہ اس دن کو محض چھٹی کے دن کی رونقوں سے بڑھ کر دیکھیں اور آرام اور کھانے کے منتظر بے گھر، تارکین وطن، پناہ گزینوں اور غریبوں کی مدد کریں۔ انہوں نے سینٹ پیٹر باسیلیکا کی مرکزی بالکونی سے خطاب کرتے ہوئے کہا کہ ان تمام بچوں کے چہرے دیکھیں جو دنیا بھر میں امن کے خواہاں ہیں۔

یہ بھی پڑھیں: ملک دشمن کالعدم وہابی تنظیموں کی جانب سے کراچی میں دہشت گردحملوں کا خدشہ، سکیورٹی الرٹ جاری

انہوں نے ہزاروں لوگوں کے مجمع سے خطاب کرتے ہوئے کہا آئیے ہم اپنے یوکرینی بھائیوں اور بہنوں کے چہرے بھی دیکھیں جو 10 ماہ طویل جنگ کے نتیجے میں ہونے والی تباہی کے سبب اپنے گھروں سے دور اندھیرے اور سردی میں کرسمس گزار رہے ہیں۔ پوپ فرانسس نے کہا کہ خداوند ہمیں ان تمام لوگوں کی مدد کے لیے یکجہتی کے مظاہرے کی ترغیب دے جو مصیبت میں ہیں۔ انکا کہنا تھا کہ خدا ان لوگوں کی سوچ کو وسعت دے جو ہتھیاروں کی گھن گرج کو خاموش کرنے اور اس بے معنٰی جنگ کو فوری طور پر ختم کرنے کی طاقت رکھتے ہیں۔

یہ بھی پڑھیں: سیاست اور معیشت دونوں کی تباہی پر بھی سناٹا ہے، اللہ رحم کرے، شیخ رشید احمد

انہوں نے کہا کہ یوکرین تنازع کے دوران ان لوگوں کی جانب توجہ کم نہیں ہونی چاہیے جن کی زندگیاں دنیا میں رونما ہونے والے دیگر تنازعات یا انسانی بحرانوں کی وجہ سے تباہ ہو چکی ہیں، ان میں شام، میانمار، (امریکی پابندیوں کا شکار) ایران، ہیٹی اور افریقہ کے ساحلی علاقوں میں آباد افراد بھی شامل ہیں۔ پوپ فرانسس نے اسرائیل اور فلسطین کے درمیان مذاکرات کی بحالی پر زور دیتے ہوئے کہا کہ موجودہ دور میں امن کے شدید قحط کا سامنا ہے۔