ایس یو سی کے مرکزی جنرل سیکریٹری علامہ شبیرمیثمی کا جامعہ خدیجۃ الکبریٰ لالہ موسی کا دورہ

شیعیت نیوز: شیعہ علماء کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی کی قیادت میں پنجاب کے مختلف مدارس کے دورے کے دوران ایس یو سی کا اعلیٰ سطحی وفد لالہ موسیٰ میں جامعہ خدیجۃ الکبریٰ پہنچا، جہاں وفد کا استقبال مدرسہ کے پرنسپل اور اساتذہ نے کیا۔

علامہ ڈاکٹر شبیر حسن میثمی نے جامعہ خدیجۃ الکبریٰ کے دورے کے دوران طالبات سے خطاب کرتے ہوئے کہا کہ خواتین کے لیے سب سے بہترین نمونہ عمل اور اعلیٰ ترین اسوہ حضرت خدیجہ اور حضرت فاطمہ سلام اللہ علیہما کی ذات گرامی ہیں۔

یہ بھی پڑھیں: علامہ شبیر حسن میثمی نے ماڑی انڈس میانوالی میں الفجر انسٹی ٹیوٹ اکیڈمک بلاک کا سنگ بنیادرکھ دیا

علامہ ڈاکٹر شبیر حسن میثمی نے مدرسہ کے دورے کے دوران اساتید اور دیگر شخصیات سے بھی ملاقات کی اور دینی تعلیم، علاقائی و قومی مسائل کے حوالے سے بھی گفتگو کی۔

یاد رہے کہ شیعہ علماء کونسل پاکستان کے وفد میں علامہ ڈاکٹر شبیر حسن میثمی کے ہمراہ مرکزی سیکرٹری اطلاعات زاہد علی اخونزادہ، علامہ فیاض حسین مطہری اور دیگر تنظیمی شخصیات شریک ہیں۔