مسجد اقصیٰ کی حیثیت میں کسی قسم کی تبدیلی کے نتائج کے بارے میں عرب لیگ کا انتباہ

شیعیت نیوز: عرب لیگ کے سیکرٹریٹ نے مسجد اقصیٰ اور شہر قدس کی تاریخی اور قانونی حیثیت میں کسی بھی قسم کی تبدیلی کے خطرات کے خلاف خبردار کیا ہے۔

رپورٹ کے مطابق بنیاد پرست صیہونیوں کے ہاتھوں مسجد الاقصی کو نذر آتش کرنے کی 53ویں سالگرہ کے موقع پر ایک بیان میں اس اتحاد نے القدس کے خلاف صہیونی دشمن کے مسلسل حملوں اور جارحیت کے خلاف خبردار کیا ہے اور مسجد الاقصی پر روزانہ حملوں اور گرفتاریوں کے ذریعے اس شہر کو یہودی بنانے کی کوشش کر رہی ہے۔

عرب لیگ نے فلسطینی قوم کے ساتھ اپنی مکمل یکجہتی اور القدس شہر کے باسیوں کی استقامت اور استحکام کی حمایت پر زور دیا۔

یہ بھی پڑھیں : سید حسن نصراللہ اور زیاد النخالہ کی دوطرفہ ملاقات ، فلسطین کی صورتحال پر تبادلہ خیال

عرب لیگ نے قابض اسرائیلی حکام سے مطالبہ کیا کہ وہ مقبوضہ بیت المقدس اور مسجد اقصیٰ کے خلاف اپنی جارحیت بند کرے۔

ایک بیان میں عرب لیگ نے کہا کہ قابض حکام نے 1948ء سے فلسطینی عوام کے خلاف جرائم اور خلاف ورزیوں کا سلسلہ جاری رکھا ہوا ہے اور ساتھ ہی القدس اور اس کے عرب تشخص کو مٹانے، جعلسازی، آبادکاری اور یہودیت کے ذریعے نشانہ بنایا ہے۔

بیان میں وضاحت کی کہ یہ قابض افواج کے الاقصی پر دھاوا بولنے، نمازیوں کو گرفتار کرنے اور یہودی آباد کاروں کو بہ حفاظت مسجد اقصیٰ پر دھاوا بولنے میں مدد دینے کی سازش جاری ہے۔

اس یونین نے عالمی برادری سے مطالبہ کیا کہ وہ اپنی ذمہ داریاں پوری کریں، فلسطینی قوم کی حمایت کریں اور غاصب حکومت کی حیثیت سے صیہونی حکومت کو جارحیت روکنے اور ان تمام اقدامات کو منسوخ کرنے پر مجبور کریں جو مسجد اقصیٰ اور اس شہر کی تاریخی اور قانونی حیثیت کو تبدیل کرنے کا باعث بن سکتے ہیں۔

عرب لیگ نے سلامتی کونسل کی قراردادوں بالخصوص 2016 کی قرارداد 2334 کی پاسداری کا بھی مطالبہ کیا، جس میں مشرقی یروشلم سمیت مقبوضہ فلسطینی علاقوں میں صیہونی حکومت کی بستیوں کی تعمیر کے ناجائز ہونے پر زور دیا گیا ہے۔