نصف امریکیوں کا خیال ہے کہ وہ جلد ہی خانہ جنگی دیکھیں گے

شیعیت نیوز: ایک سروے کے نتائج سے ظاہر ہوا ہے کہ نصف امریکیوں کو توقع ہے کہ ان کے ملک میں ’’اگلے چند سالوں میں‘‘ خانہ جنگی ہو سکتی ہے۔

’’ ہل ‘‘ نیوز ویب سائٹ کے مطابق ، یونیورسٹی آف کیلیفورنیا کے محققین، اینٹی وائلنس ریسرچ پروگرام اور کیلیفورنیا میں سینٹر فار وائلنس ریسرچ نے مل کر ریاستہائے متحدہ میں خانہ جنگی کے واقعات پر ایک سروے کیا۔

اس سروے کے نتائج کے مطابق نصف امریکیوں نے کہا کہ وہ اس بات سے متفق ہیں کہ امریکہ میں جلد ہی خانہ جنگی ہو گی۔ دوسری طرف، 47.8% امریکہ کے خانہ جنگی کے قریب ہونے سے متفق نہیں ہیں۔

اس سروے میں حصہ لینے والوں میں سے، 14% "سختی سے یا بہت سختی سے خانہ جنگی کے قریب ہونے سے متفق ہیں، اور 36% جزوی طور پر اس بیان سے متفق ہیں۔

یہ بھی پڑھیں : روس و ایران نے ہمیں بوڑھا کر دیا، سربراہ سی آئی اے ویلیم برنز

اس سروے کے نتائج کے مطابق دو تہائی امریکیوں کا کہنا ہے کہ ان کے ملک میں جمہوریت کو ’’سنگین خطرے‘‘ کا سامنا ہے اور 90% کا خیال ہے کہ امریکہ میں جمہوریت کی اہمیت زیادہ یا بہت زیادہ ہے۔

اس کے باوجود، اس سروے میں 20 فیصد سے زیادہ شرکاء کا خیال ہے کہ سیاسی تشدد کا استعمال ’’کم از کم کچھ معاملات میں‘‘ عام طور پر جائز ہے۔ تقریباً 20% بھی ’’سختی سے‘‘ یا ’’بہت سختی سے‘‘ اس بیان سے متفق ہیں کہ جمہوریت کے تحفظ کے لیے تشدد جائز ہے۔

مزید دلچسپ بات یہ ہے کہ اس سروے میں حصہ لینے والوں میں سے ایک تہائی کا خیال ہے کہ انتخابی نتائج کو چوری ہونے سے روکنے کے لیے تشدد کا استعمال کم از کم جزوی طور پر جائز ہے۔

اس کے علاوہ، 10% سے زیادہ شرکاء کا خیال تھا کہ سابق امریکی صدر ڈونلڈ ٹرمپ کی اقتدار میں واپسی کے لیے تشدد کا استعمال جائز ہے۔