اہم ترین خبریںپاکستان

علامہ راجہ ناصرعباس کی حقیقی آزادی مارچ کے شرکاء پر ریاستی جبروتشددکی مذمت، عوام سے بھرپورشرکت کی اپیل

واضح رہے کہ اس سے قبل مجلس وحدت مسلمین کے اہم اجلاس میں آزادی مارچ کی حمایت کا فیصلہ کیا گیا ہے۔ مجلس وحدت مسلمین کا اعلیٰ سطح وفد کارکنان کی بڑی تعداد کے ہمراہ آزادی مارچ میں شرکت کے لیے روانہ ہوچکا ہے، وفد کی قیادت علامہ احمد اقبال رضوی کررہے ہیں۔

شیعیت نیوز:  چیئرمین مجلس وحدت مسلمین پاکستان علامہ راجہ ناصرعباس جعفری نے حقیقی آزادی مارچ کے پرامن شرکاء پر بدترین ریاستی ظلم وتشدد کی بھرپورمذمت کی ہے ۔

میڈیا کو جاری اپنے بیان میں انہوں نے امپورٹڈ حکومت کےظالمانہ روئیے کو آمرنہ قرار دیا ہے۔ انہوں نے پوری قوم سے اپیل کی ہے کہ وہ بھرپور انداز میں اپ نے گھروں سے نکلیں اور امریکی تسلط اور غلامی سے نجات کی اس تحریک کا حصہ بنیں ۔

انہوں نے کہا کہ ملک سے امریکی مداخلت کا خاتمہ شہید قائد کی آواز تھی، احتجاج میں رکاوٹ عوام کا آئینی حق چھیننے کے مترادف ہے، احتجاج میں رکاوٹ بننے والے ملک سے امریکی تسلط کا خاتمہ نہیں چاہتے۔

یہ بھی پڑھیں: ایم ڈبلیوایم نے حقیقی آزادی مارچ کی حمایت کردی، اعلیٰ سطح وفدکارکنان کے ہمراہ مارچ میں شریک

انہوں نے مزید کہا کہ امریکی مداخلت کے خاتمے کے لیے خودار اور باشعور شہری لانگ مارچ میں بھرپوراندازمیں شریک ہوں، یہ پاکستان کو امریکی استعماری شکنجے سے آزادی دلانے کی قومی تحریک ہے جس میں قوم کے جوانوں، بزرگوں، بچوں ، ماؤں ، بہنوں کا اپنا کردار ادا کرنا ہے۔

واضح رہے کہ اس سے قبل مجلس وحدت مسلمین کے اہم اجلاس میں آزادی مارچ کی حمایت کا فیصلہ کیا گیا ہے۔ مجلس وحدت مسلمین کا اعلیٰ سطح وفد کارکنان کی بڑی تعداد کے ہمراہ آزادی مارچ میں شرکت کے لیے روانہ ہوچکا ہے، وفد کی قیادت علامہ احمد اقبال رضوی کررہے ہیں۔

متعلقہ مضامین

Back to top button