اہم ترین خبریںپاکستان کی اہم خبریں

جیل جانے اور جان قربان کرنے کوتیارہوں لیکن امریکی غلامی کسی صورت قبول نہیں، عمران خان

عمران خان کا کہنا تھا کہ جب تک زندہ ہوں، چوروں، ڈاکوؤں اور غلاموں کو قبول نہیں کروں گا، آصف علی زرداری، نواز شریف اور شہباز شریف کرپٹ سیاستدان ہیں

شیعیت نیوز: سابق وزیر اعظم اور پاکستان تحریک انصاف (پی ٹی آئی) کے چیئرمین عمران خان نے کہا ہے کہ جیل جانے اور جان کی قربانی دینے کو تیار ہوں لیکن امریکی غلامی قبول نہیں ہے، ہمارے ملک میں فیصلہ کن صورتحال ہے، آئندہ دنوں میں بہت بڑا فیصلہ ہونے جارہا ہے۔

اٹک میں عوامی جلسہ سے خطاب کے دوران انہوں نے کہا کہ جب ہمیں سازش کا علم ہوا تو سازش روکنے والوں کو آگاہ کیا تھا کہ بڑی مشکل سے ملکی معیشت کو سنبھالا ہے، اگر حکومت گئی تو بڑا نقصان لیکن بدقسمتی سے کچھ نہیں کیا گیا اب چاہے جیل جاؤں یا جان چلی جائے لیکن امریکی غلامی قبول نہیں کروں گا۔علاوہ ازیں انہوں نے کہا کہ آصف علی زرداری کا نیب میں اصلاحات کا کہنا قیامت کی نشانی ہے، میں نے فیصلہ کیا ہے کہ یہ سیاست نہیں بلکہ جہاد ہے، یہ وقت ہماری حقیقی آزادی کی جنگ ہے۔

یہ بھی پڑھیں: ایم ڈبلیوایم کے نئے سربراہ کے انتخاب کیلئے3روزہ کنونشن کا اسلام آباد میں آغاز آج سے ہوگا

عمران خان کا کہنا تھا کہ جب تک زندہ ہوں، چوروں، ڈاکوؤں اور غلاموں کو قبول نہیں کروں گا، آصف علی زرداری، نواز شریف اور شہباز شریف کرپٹ سیاستدان ہیں، ان میں ایک کرپٹ وہ شخص بھی جو 30 برس سے اسلام بیچ رہا ہے۔ سابق وزیر اعظم کا کہنا تھا کہ کون سا اتنا بڑا مسئلہ تھا جو سب نے ملک کر حکومت گرائی؟ سخت مشکلات کے باوجود ہماری حکومت نے ملک کو معاشی طور پر کھڑا کیا، تعمیراتی شعبے کو اہمیت دی اور ریکارڈ ایکسپورٹ کی، آمدنی سب سے زیادہ بڑھائی۔

عمران خان نے کہا کہ 20 تاریخ کے بعد مارچ کی کال دوں گا، کسی کو بھی کسی قسم کا خوف نہیں ہونا چاہیے، ہم ان کرپٹ سیاستدانوں کے خلاف بھرپور احتجاج کریں گے۔ عمران خان نے زور دیا کہ سرکاری اداروں کے ملازمین اور فوجی افسران اپنی فیملیز کو مارچ میں بھیجیں۔

متعلقہ مضامین

Back to top button
Close