زاہدان میں موساد کے تین جاسوسوں کو گرفتار کیا گیا

شیعیت نیوز: سیستان و بلوچستان کےانٹیلی جنس آفس نے اعلان کیا ہے کہ عدلیہ کے حکم پر موساد سے وابستہ تین جاسوسوں کو گرفتار کر لیا گیا۔

اسلامی جمہوریہ ایران کے صوبے سیستان و بلوچستان کےانٹیلی جنس آفس نے اعلان کیا ہے کہ بد نام زمانہ اسرائیل کے جاسوسی کے ادارے موساد سے وابستہ تین جاسوسوں کو گرفتار کر لیا گیا ۔ یہ افراد خفیہ معلومات اور دستاویزات کو پھیلانے میں ملوث تھے۔

واضح رہے کہ ایران پر سخت ترین پابندیاں عائد کرنے میں امریکہ کو شکست ہوئی جس کے بعد امریکہ نے ایران کی سلامتی کے خلاف اقدامات کئے۔ اور ایران کے خلاف ان اقدامات میں امریکہ،برطانیہ اور اسرائیل نے بڑے پیمانے پر باہمی تعاون کیا۔

اسلامی جمہوریہ ایران کے خلاف امریکہ، برطانیہ اور اسرائیل کی سازشوں کا سلسلہ جاری ہے۔

یہ بھی پڑھیں : جدید ترین امریکی ہتھیار عین الاسد چھاؤنی پہنچ گئے

دوسری جانب نائب ایرانی صدر برائے قانونی امور نے حکومت کو کابینہ کی طرف سے جائزے اور منظوری کے لیے "پابندیوں سے نمٹنے کا بل” کا مسودہ پیش کیا۔

ارنا رپورٹ کے مطابق، نائب ایرانی صدر برائے قانونی امور نے ملک کے خلاف جابرانہ بین الاقوامی اور غیر ملکی پابندیوں کا مقابلہ کرنے اور ان پابندیوں کے متاثرین کی مدد کرنے اور معاشرے پر ان کے اثرات کو کم کرنے کے لیے حکومت کو کابینہ کی طرف سے جائزے اور منظوری کے لیے "پابندیوں سے نمٹنے کا بل” کا مسودہ مسودہ پیش کیا۔

اسلامی انقلاب کی فتح کے آغاز سے لے کر آج تک، اسلامی جمہوریہ ایران کے دشمنوں نے ہمیشہ ہمارے ملک کے خلاف مختلف یکطرفہ اور بین الاقوامی پابندیاں لگانے کی کوشش کی ہے، جن میں امریکی اور بین الاقوامی بینکوں میں ایرانی حکومت کے اثاثوں کو ضبط کرنے جیسی مالی پابندیاں ایران کی تیل کی صنعت اور تیل کی برآمدات کی ترقی کے لیے کسی بھی معاہدے پر پابندی شامل ہیں۔

ان پابندیوں کا یقیناً ملک میں تجارت، سرمایہ کاری، روزگار اور اقتصادی ترقی جیسے مختلف اقتصادی شعبوں پر خاصا اثر پڑا ہے۔

اس سلسلے میں، ان پابندیوں کے اثرات کو روکنے اور کم کرنے کے لیے اور مناسب قوانین کے نفاذ کے ذریعے پابندیوں کے متاثرین کو تحفظ فراہم کرنے کے لیے، "پابندیوں سے نمٹنے کا بل” کا مسودہ تیار کر کے حکومت کو جائزے اور منظوری کے لیے پیش کیا گیا ہے۔

اس بل کو نائب ایرانی صدر برائے قانونی امور نے متعلقہ مطالعہ کرنے اور مذکورہ مقاصد کو حاصل کرنے کے لیے متعدد ماہرین کی میٹنگیں منعقد کرنے کے بعد تیار اور مرتب کیا ہے جس میں غیر ملکی تجارت پر پابندیوں کے اثرات کا مقابلہ کرنے اور پابندیوں سے متاثرہ ایرانی شہریوں کی حفاظت کے لیے بین الاقوامی غلط کاموں کے خلاف باہمی کارروائی کے لیے ایک فریم ورک قائم کرنے کی کوشش کی گئی ہے۔

اس تجویز کا فی الحال حکومت کا سیاسی اور دفاعی کمیشن جائزہ لے رہا ہے۔