قرآن مجید دین اسلام کا ابدی اور جاویدانی معجزہ ہے، غفلت بہت بڑی بلا ہے، رہبر معظم انقلاب

شیعیت نیوز: رہبر معظم انقلاب اسلامی حضرت آیت اللہ العظمیٰ خامنہ ای نے محفل انس باقرآن میں شریک افراد سے خطاب کرتے ہوئے فرمایاکہ قرآن مجید دین اسلام کا ابدی اور جاویدانی معجزہ ہے۔

حسینیہ امام خمینی (رہ) میں رہبر معظم انقلاب اسلامی حضرت آیت اللہ العظمیٰ خامنہ ای کی موجودگی میں محفل انس با قرآن منعقد ہوئی ۔ جس میں ایران کے ممتاز قاریوں نے قرآن مجید کی تلاوت کا شرف حاصل کیا۔

رہبر معظم انقلاب اسلامی نے اللہ تعالیٰ کی مہمانی میں وارد ہونے اور اللہ تعالیٰ کی دعوت کو اجابت کرنے کے لئے انسان کےبلند ہمت ہونے کی ضرورت پر زور دیتے ہوئے فرمایا کہ اگر ہم اللہ تعالی کی ضیافت میں وارد ہونے میں کامیاب ہوجائیں تو اس سے بالا تر چیز کا تصور ممکن نہیں ہے۔

یت اللہ العظمی سید علی خامنہ ای نے فرمایا کہ اللہ کی مہمانی میں جانے اور اس کی دعوت پر لبیک کہنے کے لئے انسان کو پہلے سے پوری طرح سے آمادہ ہونا چاہئے اور ماہ مبارک رمضان کے یہ ایام پروردگارعالم سے قریب ہونے کا بہترین موقع ہیں۔

یہ بھی پڑھیں : اسلام ایک ابدی مذہب ہے، اس لیے قرآن کو ابدی ہونا چاہیے، حضرت آیت اللہ العظمیٰ خامنہ ای

رہبر معظم انقلاب اسلامی نے رمضان االمبارک کی عظیم برکتوں اور نعمتوں کی طرف اشارہ کرتے ہوئے فرمایا کہ اللہ تعالی کی بے نظیر نعمتیں اس کے تقرب کا بہترین ذریعہ ہیں۔

رہبر معظم انقلاب اسلامی نے آیات قرآن میں لفظ ’’ ذکر‘‘ کی طرف اشارہ کرتے ہوئے فرمایا: ذکر بھی قرآن مجید کا ایک نام ہے جو یادہانی اور تذکر کے معنی میں ہے اور یہ غفلت کے مقابلے میں ہے کیونکہ غفلت بہت بڑی بلا ہے۔

رہبر معظم انقلاب اسلامی نے قرآن مجید کو پیغمبر اسلام کا جاویدانی معجزہ قراردیتے ہوئے فرمایا کہ قرآن مجید ہر دور میں انسان کی فردی، اجتماعی ، معنوی اور حاکمیتی زندگی کے تمام پہلوؤں پر محیط رہا ہے۔ قرآن مجید دین اسلام کا ابدی اور جاویدانی معجزہ ہے۔

رہبرانقلاب اسلامی نے قرآن میں تدبر اور تعقل کو ضروری قرار دیتے ہوئے فرمایا کہ قرآنی علوم کی برکتوں سے استفادے کے لئے دلوں کی پاکیزگی ضروری ہے اور جوانی کے عالم میں یہ مقصد آسانی کے ساتھ حاصل کیا جاسکتا ہے۔