دہشتگردی ختم کرنی ہے تو دہشتگردوں کے سرپرستوں پر ہاتھ ڈالنا ہوگا، آغا سید حامد علی شاہ موسوی
04 مارچ, 2022 12:16
شیعیت نیوز: سربراہ تحریک نفاذ فقہ جعفریہ پاکستان آغا سید حامد علی شاہ موسوی نے جامع مسجد امامیہ پشاور اور فاطمہ جناح روڈ کوئٹہ پربم دھماکے کی مذمت کرتے ہوئےکہا ہے کہ بلوچستان اور پشاورمیں دہشتگردی کی دوبارہ گرم بازاری تشویشناک ہے،عوام پرامن اور چوکنا رہیں ۔دشمن دہشت اور نفرت کی آگ بھڑکانا چاہتا ہے۔
انہوں نے کہا کہ متحد ہو کر شیطانی دہشت گردوں کا مقابلہ کرنا ہوگا، دہشتگردی ختم کرنی ہے تو دہشتگردوں کے سرپرستوں پر ہاتھ ڈالنا ہوگا۔ بلوچستان کے شہدا کو سلام عقیدت پیش کرتے ہیں،حکومت مجرموں کو کیفر کردار تک پہنچائے۔
یہ بھی پڑھیں: پشاور جامع مسجد امامیہ دھماکہ، خطیب جمعہ علامہ ارشاد خلیلی اور ایک معصوم بچہ بھی شہید
ان خیالات کااظہارانہوں نے ٹی این ایف جے کی مرکزی ہفتہ ولائے محمد و آل محمدؐ کمیٹی کے عہدیداران سے خطاب کرتے ہوئے کیا۔ انہوں نےاس عہد کا اظہار کیا کہ حسینؓ کی طرح جیئں اور مریں گے مگر کبھی یزیدانِ عصر سے سودا بازی نہیں کریں گے اور نہ کسی کو کرنے دیں گے۔
