یمن کے عوام کو ملی بڑی کامیابی، اہم شہر الحثیرہ بھی آزاد
شیعیت نیوز: یمن کی فوج اور عوامی رضا کار فورس انصار اللہ نے جارح سعودی اتحاد کے قبضے سے صوبہ حجہ کے اہم اور اسٹراٹیجک شہر الحثیرہ کو آزاد کرا لیا۔
المسیرہ ٹی وی کی رپورٹ کے مطابق یمن کی فوج اور عوامی رضا کار فورس انصار اللہ نے جارح سعودی اتحاد اور ان کے آلہ کاروں کے ساتھ ہونے والی خونریز جھڑپوں کے بعد سعودی عرب کی سرحد کے قریب واقع شہر الحثیرہ کا کنٹرول سنبھال لیا۔
المسیرہ ٹی وی کی رپورٹ کے مطابق یمن کی فوج اور عوامی رضا کار فورس انصار اللہ نے اسی طرح اسی علاقے میں سوڈانی فوج کے قیام کرنے والے ایک کیمپ کا کنٹرول بھی اپنے ہاتھ میں لے لیا۔
یمن کے مختلف علاقوں میں مسلح افواج کی پیش قدمی کا سلسلہ ایسی حالت میں جاری ہے کہ سعودی اتحاد کی جانب سے یمن کے رہائشی علاقوں پر جارحیت تیز کر دی گئی ہے۔
یہ بھی پڑھیں : یمنی ڈرونز کے خلاف بحیرہ احمر میں امریکہ اور اسرائیل کی فوجی مشقیں
اس جارحیت پر ردعمل کا اظہار کرتے ہوئے یمن کی اعلی سیاسی کونسل کے رکن محمد علی الحوثی نے کہا ہے کہ حالیہ مہینوں کے دوران سعودی اتحاد کو مختلف محاذوں پر بھاری شکست کا سامنا کرنا پڑا ہے۔
ماہرین کا کہنا ہے کہ مختلف اسٹریٹیجک علاقوں منجملہ صوبے مآرب کو آزاد کرائے جانے کی ساتھ ہی یمن میں سعودی اتحاد کی مکمل شکست اور اس کا کام تمام ہو جانے کا کبھی اعلان کیا جا سکتا ہے۔
واضح رہے کہ سعودی وزیر خارجہ فیصل بن فرحان نے جرمن نیوز ایجنسی سے گفتگو کرتے ہوئے اس بات کا اعتراف کیا تھا کہ یمن پر سعودی اتحاد کے حملوں کا مقصد اس ملک کی مستعفی منصور ہادی کی حکومت کو دوبارہ اقتدار میں لانا تھا مگر توقع کے برخلاف جنگ یمن اتنی طولانی ہو گئی۔
